రాష్ట్రీయం
మేమంతా కలిసే ఉంటాం
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, ఆగస్టు 25: తనకు చిత్రపరిశ్రమలో ఎవరితో విరోధం లేదని, ఆ మాటకు వస్తే సినీ పరిశ్రమలో ఎవరు ఎవరితో కూడా గొడవలు పెట్టుకోరని పవర్‌స్టార్ పవన్‌కల్యాణ్ అన్నారు. ఇటీవల బెంగళూరులో హత్యకు గురైన తన అభిమాని వినోద్‌కుటుంబాన్ని గురువారం ఆయన పరామర్శించారు. అనంతరం ఆయన విలేఖరులతో మాట్లాడారు. సినిమా రంగంలో అందరూ స్నేహపూర్వకంగా ఉంటారని, అయితే అభిమానుల దగ్గరికి వచ్చేటప్పటికి ఎందుకు ఒకరినొకరు శత్రువుల్లా చూసుకుంటారో అర్థంకాదన్నారు. అభిమానం ఉండాలేకానీ మితిమీరిన అభిమానం ఉండకూడదన్నారు.
సమాజ సేవలో పోటీతత్వం ఉండాలేకానీ అది శృతిమించి చంపుకునేంత వరకు వెళ్లడం మంచిదికాదన్నారు. హింసాత్మకమైన సంఘటనలకు అభిమానులు తెగబడటం సహించరానిదన్నారు. ఇది ఎవరికీ మంచిది కాదన్నారు. ఇలాంటి విషయాలపై తను త్వరలోనే అభిమానులకు ఒక సందేశం ఇవ్వనున్నట్లు తెలిపారు. అవయవదానంపై బెంగళూరులో జరిగిన అవగాహన కార్యక్రమంలో వినోద్ పవన్‌కల్యాణ్‌కు అనుకూలంగా నినాదాలు చేయడం అక్కడే ఉన్న జూనియర్ ఎన్టీఆర్ అభిమానులకు ఆగ్రహం తెప్పించింది. అనంతరం వారు పక్కా ప్రణాళికతో డాబాలో వినోద్‌ను కత్తులతోపొడిచి హత్యచేశారు.
తమ కుమారుడు హత్యకు గురయ్యాడని తెలుసుకున్న వినోద్ తల్లిదండ్రులు మంగళవారం వినోద్ మృతదేహాన్ని తిరుపతికి తీసుకొచ్చి అంత్యక్రియలు చేశారు. తన అభిమాని హత్యకు గురయ్యాడన్న విషయం తెలుసుకున్న పవన్‌కల్యాణ్ గురువారం తిరుపతికి వచ్చి వినోద్ కుటుంబాన్ని ఓదార్చారు. మీకు పెద్దకొడుకులా ఉంటానని వారికి భరోసా ఇచ్చారు. హత్యోదంతంపై కర్ణాటకపోలీసులతో చర్చించి దోషులకు శిక్షపడేలా చేస్తానని హామీ ఇచ్చారు. ఈ ఘటనపై దోషులను శిక్షించడంలో కర్నాటక ప్రభుత్వం విఫలమైతే ఆంధ్ర ముఖ్యమంత్రి చంద్రబాబుతో చర్చించి సిబిఐ విచారణ కోరుతానన్నారు.
చిత్రం.. హత్యకు గురైన తన అభిమాని వినోద్ కుటుంబాన్ని ఓదారుస్తున్న పవన్‌కల్యాణ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.