రాష్ట్రీయం
భారీగా గంజాయి పట్టివేత
S ,7 à 8 RSCA (si SASPAS) et 6 cialis pharmacie cialis rapports de stage.
దేవరపల్లి, ఆగస్టు 28: విశాఖపట్టణం నుండి హైదరాబాద్‌కు ఐషర్ వ్యాన్‌లో రహస్యంగా తరలిస్తున్న 524 కిలోల గంజాయిని పశ్చిమ గోదావరి జిల్లా దేవరపల్లి వద్ద పోలీసులు స్వాధీనంచేసుకున్నారు. ఈ సందర్భంగా నిందితుల్లో ఒకరు ఎస్‌ఐపై దాడిచేసి, పరారవ్వడానికి ప్రయత్నించడంతో గాలిలోకి కాల్పులు జరిపారు. పోలీసుల కథనం ప్రకారం వివరాలిలావున్నాయి... ఐషర్ వ్యానులో గంజాయి తరలిస్తున్నట్టు దేవరపల్లి ఎస్‌ఐ సిహెచ్ ఆంజనేయులుకు సమాచారం అందింది. ఈమేరకు లక్ష్మీపురం రోడ్డువద్ద ఒక హోటల్ సమీపంలో తనిఖీలు జరిపారు. గంజాయి తరలిస్తున్న వ్యానును గుర్తించి స్వాధీనం చేసుకున్నారు. వ్యానులోని ప్రత్యేక అరల్లో గంజాయిని తరలిస్తున్నట్టు గుర్తించారు. రవాణాచేస్తున్న ఆరుగురిని అదుపులోకి తీసుకుంటుండగా యాకోబ్ అనే వ్యక్తి కర్రలతో ఎస్‌ఐ దాడిచేసి పరారయ్యే ప్రయత్నంచేశాడు. దీనితో ఎస్‌ఐ గాలిలోకి కాల్పులు జరిపారు. అనంతరం యాకోబుతో సహా ఆరుగురిని అరెస్టుచేశారు. అలాగే వ్యానుకు వెనుక ఎస్కార్ట్‌గా వస్తున్న ఇన్నోవా కారును తనిఖీ చేయగా దాంట్లో ఉన్న 24 కిలోల గంజాయిని గుర్తించారు. రూ.4.17 లక్షల నగదు, ఆరు సెల్ ఫోన్లను స్వాధీనం చేసుకున్నారు. ఆదివారం రాత్రి దేవరపల్లి పోలీసు స్టేషన్లో కొవ్వూరు రూరల్ సిఐ ఎం సుబ్బారావు ఏర్పాటుచేసిన విలేఖర్ల సమావేశంలో ఈ వివరాలు తెలిపారు. గంజాయి తరలిస్తున్న అమ్మిరెడ్డి రమణ (విశాఖ), మానోతు సునీల్ (వరంగల్), కర్రి శ్రీశైలం (హైదరాబాద్), తేజేవత్తు సురేంద్ర (వరంగల్), తేతావత్తు శంకర్ (గుంటూరు), కానోతు యాకోబ్ (వరంగల్)లపై కేసు నమోదుచేసి, కోర్టుకు తరలించనున్నట్టు తెలిపారు. దేవరపల్లి తహసీల్దార్ అక్బర్ హుస్సేన్ సమక్షంలో గంజాయి, నగదు, ఐసర్ వ్యాను, ఇన్నోవా కారును స్వాధీనం చేసుకుని పోలీసు స్టేషన్‌కు తరలించామన్నారు. వివిధ పోలీసు స్టేషన్లలో యాకోబ్, శ్రీశైలం, రమణలపై అనేక కేసులు ఉన్నాయని సిఐ చెప్పారు. దేవరపల్లి ఎస్‌ఐ ఆంజనేయులు, తాళ్లపూడి ఎస్‌ఐ సతీష్ విలేఖర్ల సమావేశంలో పాల్గొన్నారు.
చిత్రం.. స్వాధీనం చేసుకున్న గంజాయి మూటలు, నిందితులతో
విలేఖరుల సమావేశంలో పాల్గొన్న సిఐ సుబ్బారావు, పోలీసులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.