రాష్ట్రీయం
వేరుశనగ రక్షణకు ఎమర్జెన్సీ
S ,7 à 8 RSCA (si SASPAS) et 6 cialis pharmacie cialis rapports de stage.
అనంతపురం, ఆగస్టు 29: తీవ్ర వర్షాభావ పరిస్థితుల నేపథ్యంలో రాయలసీమ జిల్లాల్లో నిలువునా ఎండుతున్న వేరుశనగ పంటను కాపాడేందుకు ప్రభుత్వం ఎమర్జెన్సీ ప్రకటించింది. తీవ్ర వర్షాభావ పరిస్థితుల నేపథ్యంలో రైతుల్ని ఆదుకోవడానికి యుద్ధప్రాతిపదికన చర్యలు చేపట్టింది. సీమలో పంటల రక్షణకు రెయిన్‌గన్ల ద్వారా రక్షక నీటి తడులు ఇచ్చేందుకు ఏర్పాట్లు ముమ్మరం చేసింది. నాలుగు రోజుల్లో మొదటి తడి ఇవ్వడంతో పాటు వర్షాల పరిస్థితిని బట్టి మరో వారం రోజుల్లో రెండో తడి కూడా ఇవ్వాలని నిర్ణయించింది. అవసరమైతే మూడో తడి ఇవ్వడానికి కూడా ఏర్పాట్లు చేస్తోంది. ఈ ప్రక్రియ పర్యవేక్షణకు ప్రత్యేకంగా జిల్లా మంత్రులు పల్లె రఘునాథరెడ్డి, పరిటాల సునీతతో పాటు ప్రత్తిపాటి పుల్లారావు, కామినేని శ్రీనివాస్, కొల్లు రవీంద్ర, పీతల సుజాత, రావెల కిషోర్‌బాబులకు ముఖ్యమంత్రి చంద్రబాబు బాధ్యతలు అప్పగించారు. అనంతపురం జిల్లాలోని 31 మండలాల్లో ఎండుతున్న పంటల పర్యవేక్షణకు ఐఎఎస్ అధికారులు చేరుకున్నారు. ప్రతి రెండు నియోజకవర్గాలకు ఒక మంత్రి, ఒక్కో నియోజకవర్గానికో ఐఎఎస్ అధికారి, మండలానికో గ్రూప్ -1 అధికారి క్షేత్ర స్థాయిలో నేటి నుంచి పర్యటించనున్నారు. ఆయా నియోజకవర్గ బాధ్యులైన మంత్రులు వీరిని సమన్వయం చేసుకుంటూ రక్షక తడులను పర్యవేక్షించేలా ఏర్పాట్లు చేశారు. దీనికి తోడు సిఎం చంద్రబాబు మంగళవారం ఉదయం జిల్లాకు చేరుకుని ఇక్కడే మకాం వేస్తారు. మూడు రోజుల పాటు ఆయన జిల్లాలోని పలు మండలాల్లో పర్యటించి ఎండిన వేరుశనగ పొలాలను ప్రత్యక్షంగా చూసి నీటితడులు అందించే ప్రక్రియను పర్యవేక్షిస్తారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.