రాష్ట్రీయం
‘మాకీ’కి మరో అవకాశం
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, సెప్టెంబరు 14: ఏపి రాజధాని అమరావతిలోని ప్రధాన భవనాల డిజైన్లను మరోసారి మార్చాలని ప్రభుత్వం నిర్ణయించింది. రాజధాని అమరావతిలోని అసెంబ్లీ, సెక్రటేరియట్, హైకోర్టు వంటి పలు ప్రధాన భవనాలను నిర్మించే బాధ్యతను మాస్టర్ ఆర్కెటెక్ట్‌గా ఎంపికైన జపాన్‌కు చెందిన మాకీ సంస్థకు ప్రభుత్వం అప్పగించింది. ఈ భవనాలకు సంబంధించి మాకీ సంస్థ సుమారు నాలుగు నెలల కిందట డిజైన్లను ప్రభుత్వానికి సమర్పించింది. ఈ డిజైన్లపై సర్వత్రా అసంతృప్తి వ్యక్తమైంది. ఈ డిజైన్లలో మార్పులు తీసుకురావాలని మన దేశానికి చెందిన పలువురు ఆర్కెటెక్ట్‌లను ప్రభుత్వం కోరింది. స్వల్పమార్పులు చేసినా ప్రభుత్వానికి మాకీ డిజైన్లు నచ్చలేదు. డిజైన్లను పూర్తిగా మార్చి తీసుకురావాలని కోరింది. మరో రెండు, మూడు రోజుల్లోగా చివరి డిజైన్లను సమర్పించాలని రాష్ట్ర ప్రభుత్వం మాకీ సంస్థకు విజ్ఞప్తి చేసింది. గతంలో మాకీతోపాటు లండన్‌కు చెందిన రిచర్డ్స్ రోజర్, హఫీద్ కాంట్రాక్టర్ సహా అనేక సంస్థలు అమరావతి డిజైన్లను సమర్పించాయి. జపాన్ సంస్థ కాబట్టి మాకీని అప్పట్లో ఎంపిక చేశారు. అయితే, డిజైన్ల అంత సంతృప్తికరంగా లేకపోవడంతో వాటిని మార్చమని విజ్ఞప్తి చేసింది. ఒకవేళ మాకీ తిరిగి సమర్పించే డిజైన్లు కూడా నచ్చకపోతే, ప్రభుత్వం మరో కొత్త సంస్థకు ఈ బాధ్యతలను అప్పగించాల్సి ఉంటుంది.
జపాన్‌కు చెందిన మాకీ సంస్థ రూపొందించిన రాజధాని డిజైన్
‘బిజెపికి అమ్ముడు పోయన చంద్రబాబు’
ఆంధ్రభూమి బ్యూరో
హైదరాబాద్, సెప్టెంబర్ 14: ఆంధ్ర రాష్ట్రానికి ప్రత్యేక హోదా కోసం పోరాటం చేయకుండా బిజెపికి ముఖ్యమంత్రి చంద్రబాబునాయుడు అమ్ము డు పోయారని వైకాపా సీనియర్ నేత బొత్స సత్యనారాయణ తీవ్రస్ధాయిలో ధ్వజమెత్తారు. హోదా ఇవ్వకుండా బిజెపి ద్రోహం చేస్తే, ప్రధానికి ఫోన్ చేసి అభినందనలు తెలియచేయడమేంటని ఆయన నిలదీశారు. ఏపికి కేంద్రం ఇచ్చినట్లు చెబుతున్న ప్రత్యేక ప్యాకేజీలో కూడా స్పష్టత లేదని, ప్యాకేజీ ఎటువంటి పరిస్థితుల్లోను హోదాకు సమానం కాదని, దీనిపై తాను బిజెపితో చర్చకు సిద్ధంగా ఉన్నానని ఆయన చెప్పారు. బుధవారం ఇక్కడ ఆయన విలేఖర్ల సమావేశంలో మాట్లాడుతూ ఆంధ్ర రాష్ట్రం బాగుపడాలంటే ప్రత్యేక హోదానే సంజీవని అని అన్నారు.
పోలవరానికి ఇచ్చింది రూ. 100 కోట్లే
కేంద్రంపై కాంగ్రెస్ ధ్వజం
ఆంధ్రభూమి బ్యూరో
హైదరాబాద్, సెప్టెంబర్ 14: కేంద్ర ప్రభుత్వం (2016-17) వార్షిక బడ్జెట్‌లో పోలవరం ప్రాజెక్టుకు కంటి తుడుపు చర్యగా వంద కోట్ల రూపాయలు మాత్రమే కేటాయించిందని ఎపి కాంగ్రెస్ కమిటీ అధికార ప్రతినిధి డాక్టర్ ఎన్.తులసి రెడ్డి విమర్శించారు. ప్రధాని నరేంద్ర మోదీకి, రాష్ట్ర ముఖ్యమంత్రి చంద్రబాబు నాయుడుకు ఈ ప్రాజెక్టుపై చిత్తశుద్ధి ఉంటే ప్రాజెక్టు పూర్తయ్యేదని ఆయన బుధవారం విలేఖరుల సమావేశంలో అన్నారు.
కానీ దురదృష్టవశాత్తు పోలవరం అథారిటీ ఏర్పాటుకే సంవత్సర కాలం పట్టిందని ఆయన తెలిపారు. ఈ 27 నెలల్లో కేంద్రం విడుదల చేసింది 850 కోట్లు మాత్రమేనని ఆయన తెలిపారు. తమ పార్టీ అధికారంలో ఉన్నప్పుడు పోలవరం ప్రాజెక్టుకు అత్యధిక ప్రాధాన్యతనిచ్చిందని అన్నారు. 2004 జూలైలో పరిపాలనా అనుమతి ఇచ్చిందని, 5575 కోట్ల రూపాయలు రాష్ట్ర బడ్జెట్ నుంచి ఖర్చు చేసిందని ఆయన వివరించారు. 33 శాతం పనులు పూర్తి చేయడం జరిగిందని, గోదావరి, కృష్ణా నదులను అనుసంధానించే కుడి కాలువ పనులు 90 శాతం పూర్తి చేసిందని డాక్టర్ తులసి రెడ్డి చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.