రాష్ట్రీయం
శ్రీశైలానికి భారీ వరద
S ,7 à 8 RSCA (si SASPAS) et 6 cialis pharmacie cialis rapports de stage.
కర్నూలు, సెప్టెంబర్ 26: శ్రీశైలం జలాశయానికి భారీ వరద కొనసాగుతోంది. ఎగువ నుంచి వస్తున్న ఇన్‌ఫ్లోను దృష్టిలో పెట్టుకుని శ్రీశైలం ప్రాజెక్టు గేట్లను ఎత్తి దిగువకు నీటిని విడుదల చేసే అంశంపై మంగళవారం ప్రభుత్వం నిర్ణయం తీసుకునే అవకాశముంది. జలాశయం పూర్తిస్థాయి నీటిమట్టం 885 అడుగులు కాగా సోమవారం సాయంత్రానికి 880.95 అడుగులకు నీరు చేరింది. గరిష్ట నీటినిల్వ 215.8 టిఎంసిలకు గాను 192.85 టిఎంసిల నీరు నిల్వ ఉంది. జూరాల నుంచి 1,40,214 క్యూసెక్కుల నీరు జలాశయానికి చేరుతోంది. కుడిగట్టు విద్యుత్ కేంద్రంలో 7, ఎడమగట్టు విద్యుత్ కేంద్రంలో 6 జనరేటర్లను వినియోగించి విద్యుత్ ఉత్పత్తి చేసి 77,673 క్యూసెక్కుల నీటిని దిగువ నాగార్జునసాగర్‌కు విడుదల చేస్తున్నారు. ఇదిలా ఉండగా ఉత్తర కర్నాటక, మహారాష్టల్రో కృష్ణానది పరీవాహక ప్రాంతాల్లో రానున్న రోజుల్లో భారీ వర్షాలకు అవకాశముందని, దీని కారణంగా కృష్ణానదిలో సుమారు మూడు నుంచి 3.50 లక్షల క్యూసెక్కుల నీరు ప్రవహిస్తుందని ఐఎండి అంచనా వేస్తోంది. దీంతో మహారాష్ట్ర, కర్నాటక, తెలంగాణ, ఆంధ్రప్రదేశ్ రాష్ట్రాలు అప్రమత్తంగా ఉండాలని హెచ్చరికలు పంపింది. ఇప్పటికే కృష్ణానదిపై నిర్మించిన అన్ని జలాశయాలు నిండి కళకళలాడుతున్నాయి. ఎగువ నుంచి వచ్చే నీటిని అలాగే దిగువకు వదిలే అవకాశముంది. ఫలితంగా కృష్ణానది పరిసర ప్రాంతాల్లోని లోతట్టు ప్రాంతాలు మునకకు గురయ్యే ప్రమాదముందని అధికారులు హెచ్చరిస్తున్నారు. ఎగువ ప్రాంతాల్లో కురుస్తున్న వర్షాలను అందచా వేస్తూ ఐఎండి నుంచి మంగళవారం మరో బులెటిన్ వస్తుందని దాని ఆధారంగా శ్రీశైలం గేట్లు ఎత్తి దిగువకు నీటిని విడుదల చేసి 880 అడుగుల నీటిమట్టం స్థిరంగా కొనసాగిస్తామని, వరద ఉద్ధృతి తగ్గగానే తిరిగి 885 అడుగుల వరకు నీటిని నిల్వ చేస్తామని అధికారులు స్పష్టం చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.