రాష్ట్రీయం
షీలాభిడే కమిటీ పొడిగింపుతో ఆర్టీసి విభజన వేగవంతం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 27: ఉమ్మడి ఆంధ్రప్రదేశ్‌లో ఏపి పునర్విభజన చట్టంలోని ప్రభుత్వ రంగ సంస్థల విభజన, ఆస్తులు- అప్పులు, ఉద్యోగుల పంపకాలపై కేంద్రం నియమించిన షీలా భిడేకమిటీ పని కాలాన్ని పొడిగించారు. వచ్చే ఏడాది ఫిబ్రవరి 28వరకు ఈ కమిటీని పొడిగించారు. ఈ మేరకు కేంద్రం తీసుకున్న నిర్ణయంతో ఆర్టీసి విభజన త్వరలో ఒక కొలిక్కి వచ్చే అవకాశం ఉంది. ఈ కమిటీ పదవీకాలం ఈ ఏడాది ఆగస్టు 31తో ముగిసింది. ఏపి పునర్విభజన చట్టంలో 9వ షెడ్యూల్‌లో 91 సంస్థలున్నాయి. ఇందులో కమిటీ 59 కంపెనీలపై నివేదికలు అందించింది. మరో 32 సంస్థలపై నివేదికను తయారు చేయాల్సి ఉంది. ఆంధ్రప్రదేశ్ ఆర్టీసి విభజన ఇంకా పూర్తి కాలేదు. రెండు రాష్ట్రాలు హైదరాబాద్‌లో ఆర్టీసికి ఉన్న ఉమ్మడి ఆస్తులపై పట్టుబడుతున్నాయి. తాత్కాలికంగా రెండు రాష్ట్రాలు తమ పరిధిలో ఆర్టీసి పరిపాలనా విభాగాలను ఏర్పాటు చేశాయి. కాని ఆర్టీసి విభజనను కేంద్రం ఇంకా ఆమోదించలేదు. షీలాబేడీ కమిటీని పొడిగించడంతో ఆర్టీసి ఆస్తులు, అప్పులపై త్వరలో రెండు రాష్ట్రాలు రాజీఫార్ములాకు వచ్చే అవకాశం ఉంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.