రాష్ట్రీయం
ఉద్యోగుల విభజనకు ప్రత్యేక కమిటీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 27: తెలంగాణ రాష్ట్రంలో కొత్త జిల్లాల పునర్వ్యవస్థీకరణ సందర్భంగా ఉద్యోగుల విభజనపై ప్రత్యేకంగా ఒక కమిటీని నియమించాలని ప్రభుత్వం భావిస్తోంది. సమైక్య ఆంధ్రప్రదేశ్ విభజన సందర్భంగా ఉద్యోగుల విభజన కోసం కమలనాథన్ కమిటీని (చైర్మన్ అడ్వయిజరీ కమిటీ, ఎపి) కేంద్రం నియమించిన విషయం గమనార్హం. అదే విధంగా జిల్లాల పునర్వ్యవస్థీకరణ సందర్భంగా పదవీ విరమణ చేసిన ఐఎఎస్ అధికారి నేతృత్వంలో ఉన్నతస్థాయి కమిటీని నియమించాలని ప్రభుత్వం ఆలోచిస్తోంది. అక్టోబర్ 11 న (దసరా) సందర్భంగా కొత్త జిల్లాలను ఏర్పాటు చేయాలని ప్రభుత్వం నిర్ణయించిన సంగతి తెలిసిందే. తాత్కాలిక అవసరాల కోసం ఉద్యోగలను కొత్త జిల్లాల్లో ‘ఆర్డర్ టు సర్వ్’ ప్రాతిపదికన నియమిస్తున్నారు.
ముఖ్యమంత్రి కె. చంద్రశేఖరరావు, ప్రభుత్వ ప్రధాన కార్యదర్శి రాజీవ్‌శర్మల ఆదేశాల మేరకు ఆ యా శాఖల మంత్రులు, ముఖ్యకార్యదర్శులు, హెడ్ ఆఫ్ ది డిపార్ట్‌మెంట్స్ (హెచ్‌ఓడి)లు కలిసి ఇప్పటికే ఈ అంశంపై కసరత్తు చేశారు. అయితే ఉద్యోగుల విభజన శాశ్వతంగా చేసే విషయంలో అనేక సమస్యలు తలెత్తుతున్నాయి. ఒక జిల్లాను రెండు లేదా మూడు జిల్లాలను విభజిస్తున్నారు. అదే జిల్లాలో ఒక నియోజకవర్గాన్ని మరొక కొత్త జిల్లాలో కలిపివేస్తున్నారు.
ఉదాహరణకు మహబూబ్‌నగర్ జిల్లాను మూడు జిల్లాలుగా విభజిస్తున్నారు. మహబూబ్‌నగర్‌తో పాటు నాగర్‌కర్నూలు, వనపర్తి కొత్త జిల్లాలుగా ఏర్పడుతున్నాయి. ఇప్పటి వరకు మహబూబ్‌నగర్ జిల్లా పరిధిలో ఉన్న షాద్‌నగర్ శాసనసభా నియోజకవర్గాన్ని శంషాబాద్ జిల్లాలో కలిపివేయాలని నిర్ణయించారు. జిల్లాల పునర్వ్యవస్థీకరణ తర్వాత ఏ ప్రాంతానికి చెందిన ఉద్యోగులను అదే జిల్లాలో నియమించాల్సి ఉంటుంది. ఒక జిల్లా పరిధిలో ఎక్కువ మంది ఉద్యోగులు, మరొక జిల్లా పరిధిలో తక్కువ మంది ఉద్యోగులు ఉంటే ఏం చేయాలన్న అంశం సమస్యగా మారింది. భార్యాభర్తలు వేర్వేరు జిల్లాల పరిధిలోకి వస్తే వారిని ఒకే జిల్లా పరిధిలోకి తీసుకురావాలా? లేదా? అన్నది కూడా చర్చనీయాంశంగా మారింది.
నాగర్‌కర్నూలు జిల్లా పరిధిలో సొంత గ్రామంగా ఉండే ఒక వ్యక్తి మహబూబ్‌నగర్‌లో చదివితే అతను మహబూబ్‌నగర్ జిల్లాకు ‘స్థానికుడు’ అవుతాడు. ఇలాంటి కేసులను పరిశీలించేందుకు ప్రత్యేకంగా ఒక కమిటీని నియమించాల్సిన అవసరం ఉందని సీనియర్ రెవెన్యూ అధికారి ఒకరు తెలిపారు. కమిటీని నియమిస్తేనే ఉద్యోగులు తమ సమస్యలను చెప్పుకునేందుకు వీలవుతుందని తెలంగాణ రెవెన్యూ ఉద్యోగుల సంఘం అధ్యక్షుడు ఎం. శివశంకర్ అభిప్రాయపడ్డారు. మంగళవారం ఆయన ఆంధ్రభూమి ప్రతినిధితో మాట్లాడుతూ, ఉద్యోగుల విభజన చట్టప్రకారం జరగాలంటే ప్రత్యేక కమిటీని నియమించాల్సిన అవసరం ఉందన్నారు. లేకపోతే న్యాయపరంగా సమస్యలు తలెత్తే అవకాశం ఉంటుందని కూడా ఆయన వివరించారు. న్యాయ నిపుణుల సలహా కూడా ఇందుకోసం తీసుకోవాల్సిన అవసరం ఉందని ఆయన వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.