రాష్ట్రీయం
హుదూద్ గాయానికి రెండేళ్లు!
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, అక్టోబర్ 12: విశాఖ నగర ప్రజలు 2014 అక్టోబర్ 12వ తేదీని ఎన్నటికీ మరిచిపోలేరు. అందాల విశాఖను వణికించి, చిన్నాభిన్నం చేసిన రోజు అది. ప్రకృతి విలయ తాండవానికి పరాకాష్ట అది. పచ్చని చెట్లతో రమణీయంగా కనిపించే విశాఖ హుదూద్ ధాటికి చిగురుటాకులా వణికిపోయింది. తరుముకొస్తున్న ప్రమాదాన్ని ముందుగానే నాసా హెచ్చరించడంతో, ప్రాణనష్టం పెద్దగా జరగలేదు., కానీ అనూహ్యమైన ఆస్తి నష్టం వాటిల్లింది. పచ్చదనం అంతా గాలి, వానకు కొట్టుకుపోయి, విశాఖ కన్నీటి సంద్రంగా మారింది.
విశాఖను పెను తుపాను ముంచుకొస్తోందని అమెరికాలోని నాసా సుమారు అక్టోబర్ ఏడో తేదీనే హెచ్చరించింది. అమెరికా ప్రయోగించిన ఆక్వా ఉపగ్రహ చిత్రాల ఆధారంగా ప్రమాద తీవ్రతను గంట గంటకు హెచ్చరిస్తూ వచ్చింది. దీంతో ప్రభుత్వం కూడా ముందస్తు జాగ్రత్తలు తీసుకుంది. విశాఖ వాసులను ఇళ్ళ నుంచి బయటకు రావద్దని హెచ్చరించింది. విశాఖలోని తుపాను హెచ్చరికల కేంద్రం గంట గంటకు బులిటెన్లు విడుదల చేస్తూ వచ్చింది. 11 అర్ధరాత్రి నుంచి చిన్నగా ప్రారంభమైన వర్షం అంతకంతకూ పెరుగుతూ వచ్చింది. 12న తెల్లవారుజాము నుంచే పెను గాలులతో కూడిన వర్షం విశాఖను చుట్టేసింది. అదే సమయంలో జరగాల్సిన బీభత్సం అంతా జరిగిపోయింది. నగరంలోని చెట్లన్నీ నేలకూలాయి. ఇళ్ళ పైకప్పులు, పూరిళ్లు ఎగిరిపోయాయి. విద్యుత్ స్తంభాలు రోడ్లకు అడ్డంగా పడిపోయాయి. విద్యుత్ వైర్లు చిన్నాభిన్నమైపోయాయి. భారీ కర్మాగారాలు పూర్తిగా దెబ్బతిన్నాయి. తూర్పు నౌకాదళంలో వేల కోట్ల రూపాయల ఆస్తి నష్టం సంభవించింది. ఒక్కమాటలో చెప్పాలంటే, విశాఖ నగరం ధ్వంసమైపోయింది. దెబ్బతిన్న నగరాన్ని పునర్‌నిర్మించే బాధ్యతను చంద్రబాబు తీసుకున్నారు. పోయిన పచ్చదనాన్ని తిరిగి తీసుకువచ్చేందుకు ఆయన అహరహం శ్రమించారు. పూర్తిగా దెబ్బతిన్న విద్యుత్ వ్యవస్థ యథాస్థితికి రావడానికి సుమారు నెల రోజులు పట్టింది. విమానాశ్రయం శిథిలమవడంతో సుమారు 10 రోజులపాటు విమాన రాకపోకలు నిలిచిపోయాయి. ప్రభుత్వ అత్యవసర సహకారంతో విశాఖ నెమ్మది నెమ్మదిగా కోలుకుంది.
విశాఖలో గత ఏడాది ఫిబ్రవరిలో ఇంటర్నేషనల్ ఫ్లీట్ రివ్యూ జరిగింది. దీన్ని పురస్కరించుకుని హుదూద్‌లో దెబ్బతిన్న విశాఖ నగరాన్ని వేల కోట్ల రూపాయలతో పునర్‌నిర్మించారు. ఇప్పుడు విశాఖ నగరం కోలుకుంది. కానీ అప్పట్లో ప్రధాని మోదీ వెయ్యి కోట్ల సాయం ప్రకటించారు. కానీ ఇచ్చింది మాత్రం 630కోట్లు మాత్రమే. విశాఖ స్టీల్ ప్లాంట్‌కు మూడు వేల కోట్ల రూపాయల నష్టం వాటిల్లింది. కానీ ప్లాంట్‌కు ఇన్సూరెన్స్ కింద రూ.100 కోట్లు మాత్రమే వచ్చింది. ఇప్పటికీ స్టీల్ ప్లాంట్ 1400 కోట్ల నష్టాన్ని పూడ్చుకోవలసి ఉంది. ప్రభుత్వం ఇప్పటికైనా మేల్కొని హుదూద్ బాధితులకు సాయం చేయాల్సి అవసరం ఎంతైనా ఉంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.