రాష్ట్రీయం
తెలుగు రాష్ట్రాలు సుభిక్షంగా ఉండాలి
S ,7 à 8 RSCA (si SASPAS) et 6 cialis pharmacie cialis rapports de stage.
సింహాచలం, నవంబర్ 19: తెలుగు రాష్ట్రాలు రెండూ సుభిక్షంగా ఉండాలని శ్రీ వరాహలక్ష్మీనృసింహస్వామి వారిని కోరుకున్నట్టు ఉభయ రాష్ట్రాల గవర్నర్ ఇఎల్‌ఎస్ నరసింహన్ చెప్పారు. శనివారం ఆయన సింహాచలేశుని దర్శించుకున్న అనంతరం విలేఖరులతో మాట్లాడారు. శ్రీ మహావిష్ణువు స్వయంభూగా వెలసిన ఈ క్షేత్రం ఎంతో మహిమాన్వితమైనదని ఆయన అన్నారు.
లోకమంతా సుఖ శాంతులతో వర్థిల్లాలని ఆయన ఆకాంక్షించారు. ముందుగా గవర్నర్‌కి దేవాలయ కార్యర్వహణాధికారి కె.రామచంద్రమోహన్ అర్చక పెద్దలతో కలిసి సంప్రదాయంగా స్వాగతం పలికారు. గవర్నర్ కప్పస్తంభాన్ని అలింగనం చేసుకొని స్వామివారిని ప్రార్థించుకున్నారు. అంతరాలయంలో నరసింహన్‌తో పాటు ఆయన కుటుంబ సభ్యులందరి పేరున అర్చకులు ప్రత్యేక పూజలు చేశారు. గోదాదేవి సన్నిధిలో మంగళ హరతులిచ్చారు. ఆస్థాన మండపంలో నాదస్వర వాయిద్యాలు, వేదపండితుల మంత్రోచ్చారణల నడుమ అర్చకులు గవర్నర్‌ని ఆశీర్వదించారు. ఈవో గవర్నర్‌కి స్వామివారి శేషవస్త్రాలు, చిత్రపటం, ప్రసాదాలు అందజేసారు.
క్షేత్ర మహాత్మ్యాం అడిగిన గవర్నర్
గవర్నర్ నరసింహన్ అంతరాలయంలో పూజల అనంతరం క్షేత్ర మహాత్మ్యాం చెప్పమని ఆలయ అర్చకులను కోరగా అర్చకుడు కరి సీతారామాచార్యులు స్వామివారి అవతార రహస్యం, క్షేత్ర విశిష్టతలను గవర్నర్‌కి వివరించారు. గవర్నర్ వెంట విశాఖ నగర పోలీసు కమిషనర్ యోగానంద్, ఎసిపి భీమారావు ఉన్నారు.
చిత్రం.. సింహాచలేశుని దర్శించుకున్న గవర్నర్ నరసింహన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.