రాష్ట్రీయం
బిల్లుల వ్యవహారంపై ప్రభుత్వం సీరియస్
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జనవరి 12: డైరక్టర్ ఆఫ్ మెడికల్ ఎడ్యుకేషన్ కార్యాలయంలో కేవలం ఐదు రోజుల వ్యవధిలో రెండు దఫాలుగా ప్రభుత్వ ఉద్యోగులు, పెన్షనర్ల మెడికల్ బిల్లులు అగ్నికి ఆహుతి అయిన ఘటనపై ప్రభుత్వ ప్రిన్సిపల్ సెక్రటరీ పూనం మాలకొండయ్య సీరియస్ అయ్యారు. ఈ ఘటనలో డైరక్టర్ డాక్టర్ సుబ్బారావు నిర్లక్ష్యాన్ని గుర్తించిన ఆమె ఏకంగా బిల్లుల పరిశీలన, మంజూరు బాధ్యతల నుంచి డిఎంఇ కార్యాలయాన్ని పూర్తిగా తప్పించడం సంచలనం సృష్టిస్తున్నది. తక్షణమే ఎన్టీఆర్ వైద్యసేవ ట్రస్ట్ సిఇవోను వాటి బాధ్యతలు చేపట్టే విధంగా హెల్త్ మెడికల్ అండ్ ఫ్యామిలీ వెల్ఫేర్ విభాగం తరఫున పూనం మాలకొండయ్య బుధవారం రాత్రి జీవోఎంఎస్ నెం.6ను జారీ చేశారు. తమ కార్యాలయంలో ఉన్న మెడికల్ బిల్లులన్నింటినీ తక్షణమే సిఇవోకు అప్పగించేలా కూడా చర్యలు చేపట్టారు. అంటే మొదటినుంచి కూడా ఈ బిల్లుల పరిశీలన, మంజూరులో నెలల తరబడి జాప్యం జరుగుతున్నదంటూ ఉద్యోగ సంఘాల నేతలు ఫిర్యాదు చేస్తున్నారు. తాజాగా డైరక్టర్ నిర్లక్ష్యం కారణంగానే మూడు వేలకు పైగా బిల్లులు అగ్నికి ఆహుతి కావటంపై ఉద్యోగ సంఘాల నేతలు మరింత ఆగ్రహోదగ్రులయ్యారు. ఈ ఘటనపై ఆంధ్రభూమి దినపత్రికలో ప్రత్యేక కథనాలు ప్రచురితమైన విషయం తెలిసిందే. తాజాగా విడుదల చేసిన జిఓలో సాధ్యమైనంత త్వరగా బిల్లులను పరిశీలించి మంజూరు చేయాలంటూ సిఇవోను ఆదేశించారు. అవసరమైతే ఎపిఐఎంఎ రూల్స్ 1972 ప్రకారం ఎంప్లాయ్ హెల్త్ స్కీం నుంచి కొంత ఆర్థిక సహాయం తీసుకుని బిల్లుల పరిశీలనకు అదనంగా ప్యానెల్ స్పెషలిస్టులను నియమించుకునే అధికారం కూడా ఈ జీవో ద్వారా అప్పగించబడింది. ఇక మరోవైపు బిల్లులు తగులబడిన ఘటనపై పోలీస్ శాఖ తన విచారణను కొనసాగిస్తున్నది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.