రాష్ట్రీయం
సాధికారత కుటుంబంనుంచే మొదలు
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, ఫిబ్రవరి 11: అమెరికాలో ఇప్పటికీ వివక్ష ఉందని, ఇటీవల జరిగిన ఎన్నికలే దానికి నిదర్శనమని హెరిటేజ్ ఫుడ్స్ డైరెక్టర్, ముఖ్యమంత్రి చంద్రబాబు కోడలు నారా బ్రాహ్మణి అన్నారు. తొలి జాతీయ మహిళా పార్లమెంటును ఉద్దేశించి శనివారం ఈ యువ వ్యాపారవేత్త చేసిన ప్రసంగం అందర్నీ ఆకట్టుకుంది. తల్లి పేరును ముందుపెట్టుకుని ఈ ప్రాంతాన్ని పాలించిన చక్రవర్తి గౌతమీ పుత్ర శాతకర్ణి ఈ ప్రాంతానికి ఆదర్శమని, ఇలాంటి ప్రాంతంలో మహిళా పార్లమెంటు నిర్వహించటం ఆనందదాయకమని అన్నారు.
మహిళా సాధికారత అనేది కుటుంబం నుంచే ప్రారంభం కావాలని, అది తన కుటుంబంలో అమలవుతోందని చెప్పారు. ‘మా ఇంట్లో స్ర్తిలకు గౌరవం ఇచ్చే మంచి వాతావరణం ఉంది. ఎన్టీఆర్ మనవరాలిగా పుట్టడం, చంద్రబాబు కోడలినవ్వడం గర్వంగా ఉంది’ అని బాహ్మణి అన్నారు. ఆస్తిలో మహిళలకు సమాన హక్కు కల్పించిన ఘనత ఎన్టీరామారావుదేనని గుర్తు చేశారు. పద్మావతి యూనివర్శిటీ పేరుతో మహిళల కోసమే దేశంలో తొలి విశ్వవిద్యాలయాన్ని స్థాపించింది ఎన్టీఆరేనని ప్రస్తావించారు.
ఎన్టీఆర్ అడుగుజాడల్లోనే ప్రస్తుత ముఖ్యమంత్రి చంద్రబాబు నడిచారని, డ్వాక్రా మహిళలను పెద్దఎత్తున ప్రోత్సహించారని అన్నారు. మహిళా సాధికారత కోసం కృషి చేసిన ముఖ్యమంత్రి చంద్రబాబేనని అంటూ, ఆయన్ని ఫెమినిస్ట్ ఛీప్ మినిస్టర్ అనడాన్ని అంగీకరిస్తానని చెప్పారు. ఢిల్లీ హైకోర్టు మొదటి మహిళా ప్రధాన న్యాయమూర్తి తెలుగువారే కావడం గర్వకారణమని బ్రాహ్మణి అన్నారు.ఎవరో వచ్చి ఆదుకుంటారని ఎదురుచూడకుండా వాటిని అందిపుచ్చుకోవటంలోనే సాధికారత సాధ్యమవుతుందని భావిస్తున్నానని అన్నారు. ముఖ్యంగా అక్షరాస్యతతోనే ఇది సాధ్యమవుతుందని చెప్పారు. తమ సమస్యలను తామే పరిష్కరించుకునే స్థాయికి మహిళలు చేరుకోవాలంటే విద్య అవసరమన్నారు.మహిళలు నిర్ణయాధికారాన్ని తీసుకునేలా ధైర్య సాహసాలను కలిగివుండాలని యూపీఎస్పీ మాజీ ఛైర్మన్ ఆల్కా సిరోహి తన అభిప్రాయాన్ని చెప్పారు. ప్రతి అంశాన్ని ప్రశ్నించే తత్వాన్ని అలవర్చుకోవాలని వనితలకు పిలుపునిచ్చారు. సమాన అవకాశాలున్నాయని రాజ్యాంగమే చెబుతున్నా క్షేత్రస్థాయిలో ఆ తరహా పరిస్థితులు లేనేలేవని కేరళ డెప్యూటీ స్పీకర్ శైలజా టీచర్ ఆవేదన వెలిబుచ్చారు. పనిచేసే ప్రతిచోటా మహిళలకు వేదింపులు ఎదురవుతూనే ఉన్నాయని, ఎక్కడా స్వేచ్ఛాయుత వాతావరణం లేనేలేదని ఆమె చెప్పారు. పౌరురాలిగా, కుటుంబ సన్యురాలిగా మహిళలు నిరంతరం సమస్యలతో పాటు వివక్షను ఎదుర్కొంటున్నారని అన్నారు. జనాభాలో సగం ఉన్న మహిళలు తమ అవకాశాలను తామే సృష్టించుకోవాలని సిఐఐ ఛైర్‌పర్సన్ వనిత దాట్ల చెప్పారు. అవకాశాలను అందిపుచ్చుకుని కుటుంబానికి, సమాజానికి ఆదర్శప్రాయంగా నిలవాలని అన్నారు. ప్రతి మహిళ తనలో అపారమైన శక్తియుక్తులు దాగి ఉన్నాయని గుర్తించాలన్నారు.
చిత్రం.. ప్రసంగిస్తున్న బ్రాహ్మణి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.