రాష్ట్రీయం
నిరుద్యోగులకు లక్షల్లో టోపీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 6: సింగరేణిలో ఉద్యోగాలు ఇప్పిస్తామంటూ అమాయక నిరుద్యోగులను మోసగించిన ముఠా గుట్టును టాస్క్ఫోర్సు పోలీసులు రట్టు చేశారు. బుధవారం టాస్క్ఫోర్స్ అదనపు డిప్యూటీ కమిషనర్ ఎన్ కోటిరెడ్డి తన కార్యాలయంలో ఏర్పాటు చేసిన విలేఖరుల సమావేశంలో వెల్లడించిన వివరాలిలావున్నాయి. సింగరేణి కాలరీస్ కంపెనీలో 48 సర్వేయర్ ట్రైనీ, మరో ఎనిమిది ఇతర పోస్టుల నియామకాలకు గానూ సింగరేణి యాజమాన్యం గత సంవత్సరం నోటిఫికేషన్ విడుదల చేసింది. వీరిని కొత్తగూడెం, ఖమ్మంలో గల సింగరేణి గనుల్లో నియమించాల్సి ఉంది. సదరు పోస్టులకు 9,644మంది అభ్యర్థులు దరఖాస్తు చేసుకున్నారు.
రాత పరీక్షకు హాల్ టికెట్లు కూడా జారీ అయ్యాయి. కాగా డిసెంబర్ 20వ తేదీన జరగాల్సిన రాత పరీక్షను సింగరేణి యాజమాన్యం వివిధ కారణాల వల్ల రద్దు చేసింది. దీనిని ఆసరా చేసుకున్న సీనియర్ అకౌంట్ అఫీసర్ కిరణ్‌కుమార్ మంచిర్యాలకు చెందిన మోతె రమేశ్ (డ్రైవర్), శాతం రమేశ్ (కంప్యూటర్ ఆపరేటర్)లతో చేతులు కలిపి నిరుద్యోగులకు టోపీ వేసేందుకు పథకం పన్నాడు. ఇందులో భాగంగా మన్మోహన్, రషీద్, కొముయ్యలను ఏజెంట్లుగా నియమించుకున్నాడు. వీరు హైదరాబాద్‌లోని లక్డీకాపూల్‌లోని మూడు లాడ్జిలలో గదులు బుక్ చేసుకొని ఒక కార్యాలయాన్ని ఏర్పాటు చేశారు. సింగరేణిలో ఉద్యోగాల కోసం దరఖాస్తు చేసుకున్న అభ్యర్థులకు మోడల్ పరీక్ష పత్రాలు ఇచ్చి ఉద్యోగం ఇప్పించే బాధ్యత తమదేనంటూ ఎర వేశారు. సుమారు 60మంది వద్ద ఒక్కో అభ్యర్థి నుంచి రూ. 10నుంచి 20వేలు అడ్వాన్సుగా వసూలు చేశారు.
ఉద్యోగం వచ్చిన తరువాత మరో పదివేలు ఇవ్వాలని కూడా ఒప్పందం కుదుర్చుకున్నారు. సింగరేణిలో ఓ సీనియర్ అకౌంట్ ఆఫీసర్ కదాని నమ్మిన అభ్యర్థులు తీరా సదరు అధికారి బిచాణా ఎత్తేయడంతో తాము మోసపోయామని తెలుసుకొని టాస్క్ఫోర్స్ పోలీసులకు ఫిర్యాదు చేశారు. టాస్క్ఫోర్స్ పోలీసులు లక్డీకాపూల్‌లోని లాడ్జిలపై దాడులు నిర్వహించి సమీపంలోనే మరో లాడ్జిలో ఉన్న కిరణ్‌కుమార్‌తోపాటు మోతె రమేశ్, శాతం రమేశ్‌లను అరెస్టు చేశారు. వారి నుంచి రెండు లక్షల నగదుతోపాటు, మూడు సెల్ ఫోన్లు, ప్రశ్నపత్రాల బుక్‌లెట్‌ను స్వాధీనం చేసుకున్నారు. వీరిని తదుపరి విచారణ నిమిత్తం సైఫాబాద్ పోలీసులకు అప్పగించారు. ఏజెంట్లు మన్మోహన్, రషీద్, కొమురయ్య పరారీలో ఉన్నారు.
మోసగాళ్ల వివరాలు వెల్లడిస్తున్న టాస్క్ఫోర్స్ అదనపు డిసిపి కోటిరెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.