రాష్ట్రీయం
మళ్లీ మిగులే
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 28: తెలంగాణ వార్షిక బడ్జెట్ నాలుగోసారీ మిగులుతో ప్రవేశపెట్టబోతుంది. వరుసగా మూడు సార్లు మిగులు బడ్జెట్ ప్రవేశపెట్టిన ప్రభుత్వం, వచ్చే వార్షిక బడ్జెట్‌నూ సుమారు రూ.4 వేల కోట్ల మిగులుతో ప్రవేశ పెట్టబోతుంది. తెలంగాణ ఏర్పడిన తర్వాత 2014-15లో రూ.301 కోట్ల మిగులుతో తొలి బడ్జెట్ ప్రవేశపెట్టగా, 2015-16లో రూ.531 కోట్ల మిగులుతో, మూడోసారి (ప్రస్తుత) బడ్జెట్‌లో రూ.3718 మిగులుతో ప్రవేశపెట్టింది. ఆదాయ వృద్ధి రేటు ఈ ఏడాది 20 శాతం వరకు ఉండటంతో ఈసారి ప్రవేశపెట్టబోయే బడ్జెట్‌లో మిగులు రూ.4000 కోట్లకు పైగానే ఉండబోతుందని సమాచారం. మొదటి బడ్జెట్ 2014-15లో మొత్తం రాబడి రూ.80,090.33 కోట్లు కాగా, రెవిన్యూ వ్యయం రూ.79,789.31 కోట్లు చూపించటంతో రూ.301 కోట్లు మిగులు కనిపించింది. 2015-16లో రాబడి 94,131 కోట్లు కాగా రెవిన్యూ వ్యయం రూ.93,600 కోట్లతో రూ.531 కోట్ల మిగులు తేలింది. 2016-17లో మొత్తం రాబడి రూ.1,00,925 కోట్లు కాగా రెవిన్యూ వ్యయం రూ.97,206 కోట్లతో రూ.3714 మిగులు తేలింది. 2016-17లో మొత్తం బడ్జెట్ అంచన రూ.1,30,416 కోట్లు కాగా ఇందులో ప్రభుత్వ రుణాలు రూ.25,580 కోట్లు మినహాయింపుతో మొత్తం రాబడి 1,04,849 కోట్లు వస్తుందని అంచనా వేసింది. గత ఏడాది కంటే ఈసారి వృద్ధిరేటు 20 శాతంగా నమోదైంది. ఈసారి 22.7 శాతం వృద్ధి రేటు ఉంటుందని అంచనా వేయగా నోట్ల రద్దు ప్రభావం వల్ల స్వల్పంగా ఆదాయం తగ్గినప్పటికీ వృద్ధి రేటులో మాత్రం ప్రభావం కనిపించలేదు. ప్రస్తుత బడ్జెట్‌లో రాష్ట్ర సొంత పన్నుల ద్వారా వచ్చే ఆదాయాన్ని రూ.54,870 కోట్లకు అంచన వేసింది. పనే్నతర ఆదాయం రూ.17,542 కోట్లుగా, కేంద్ర పన్నుల్లో రాష్ట్ర వాటా రూ.13,955 కోట్లుగా, కేంద్ర గ్రాంట్స్ ద్వారా రూ.14,557 కోట్లుగా మొత్తంగా రాష్ట్ర రాబడి రూ.1,00,925 కోట్లుగా అంచన వేసింది. నోట్ల ప్రభావం వల్ల ఒక్క స్టాంప్ అండ్ రిజిస్ట్రేషన్ల ఆదాయంలో తప్ప మిగతా రంగాలలో అంచనలు తప్పలేదు. పైగా నోట్ల రద్దు ప్రభావం ఉన్నప్పటికీ ఆదాయ వృద్ధిలో 20 శాతం కనిపించడంతో మిగులు బడ్జెట్‌తో రూ.1,40,000 కోట్ల నుంచి రూ.1,45,000 కోట్ల మధ్యలో బడ్జెట్‌ను ప్రవేశ పెట్టడానికి కసరత్తు జరుగుతోంది. నాలుగవసారి కూడా మిగులు బడ్జెట్‌ను ప్రవేశపెట్టనుండటంతో దేశంలో మిగులు బడ్జెట్ కలిగిన రాష్ట్రాలలో తెలంగాణ తన రికార్డును పదిలం చేసుకోబోతుంది.
ఇదీ మిగులు లెక్క
2014-15లో రూ.301 కోట్లు
2015-16లో రూ.531 కోట్లు
2016-17లో రూ.3718 కోట్లు
2017-18లో రూ.4000 కోట్లు?
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.