రాష్ట్రీయం
ఐఏఎస్ కొడుకే హంతకుడు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 20: ఐఏఎస్ అధికారి ఇంటి డ్రైవర్ నాగరాజు హత్య కేసులో పోలీసులు పురోగతి సాధించారు. ఈ హత్య కేసులో కీలక ఆధారాలు సేకరించి డ్రైవర్ నాగరాజును హత్య చేసింది ఐఏఎస్ అధికారి వెంకటేశ్వర్లు కొడుకేనని గుర్తించారు. యూసుఫ్‌గూడలోని సాయికళ్యాణ్ అపార్టుమెంట్‌లో ఈనెల 17న డ్రైవర్ నాగరాజు హత్యకు గురైన సంగతి తెలిసిందే. కాగా కారు డ్రైవర్ నాగరాజును హత్య చేసి మృతదేహాన్ని కొడుకు సాయిసుకృత్ తరలిస్తుండగా స్థానికులు పట్టుకుని పోలీసులకు అప్పగించారు. పోలీసులు సిసి టీవీ ఫుటేజీ పరిశీచలించగా కీలక ఆధారాలు లభించినట్టు పోలీసులు తెలిపారు. హత్య జరిగిన తరువాత ఐఏఎస్ అధికారి వెంకటేశ్వర్లు అపార్టుమెంట్‌కు వచ్చినట్టు పోలీసులకు ఆధారాలు లభించినట్టు తెలిసింది. హత్య జరిగిన విషయాన్ని దాచిపెట్టేందుకు వెంకటేశ్వర్లు, కుమారుడికి సహకరించినట్టు పోలీసులు భావిస్తున్నారు. తెలంగాణ వ్యవసాయ శాఖలో జాయింట్ సెక్రటరీగా పనిచేస్తున్న వెంకటేశ్వర్లు విషయమై పోలీసులు హోంశాఖ ప్రిన్సిపల్ సెక్రటరీ, సీఎస్‌కు సమాచారం అందించినట్టు ఓ పోలీస్ అధికారి వెల్లడించారు.
ఐఏఎస్ అధికారి హల్‌చల్
డ్రైవర్ నాగరాజు హత్య కేసులో ఐఏఎస్ అధికారి కొడుకు సాయిసుకృత్‌ను జూబ్లీహిల్స్ పోలీసులు ఆదివారం రాత్రి అదుపులోకి తీసుకుని విచారిస్తున్నారు. కేసు విచారణలో భాగంగా సోమవారం ఐఏఎస్ అధికారి వెంకటేశ్వర్లును జూబ్లీహిల్స్ పోలీసులు విచారణకు పిలిచారు. దీంతో ఆయన పోలీస్ స్టేషన్‌లో హల్‌చల్ చేశారు. తన వద్ద నుంచి తీసుకున్న సెల్‌ఫోన్ తనకు ఇవ్వాలని పోలీసులతో వాగ్వాదానికి దిగారు. తన ఫోన్ ఇచ్చినట్టయితే అక్కడి నుంచి వెళ్లిపోతానంటూ గొడవకు దిగారు. ఇదిలావుండగా అధికారి ఇంట్లో కారు డ్రైవర్‌గా పనిచేస్తున్న నాగరాజును ఆయన కుమారుడు యూసుఫ్‌గూడలోని సాయికల్యాణ్ అపార్టుమెంట్‌లో మద్యం తాగించి హత్య చేసినట్టుగా పోలీసులు గుర్తించారు. అయితే హత్యకు గల కారణాల ఇంకా తెలియరాలేదని పోలీసులు చెబుతున్నారు.
కుటుంబ సభ్యుల ఆందోళన
డ్రైవర్ నాగరాజు హత్యోదంతంపై విచారణ జరుగుతుండగా మరోవైపు మృతుడి కుటుంబీకులు జూబ్లీహిల్స్ పోలీస్ స్టేషన్ ఎదుట ఆందోళనకు దిగారు. హంతకులను కఠినంగా శిక్షించాలని, బాధిత కుటుంబాన్ని ఆదుకోవాలని డిమాండ్ చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.