రాష్ట్రీయం
జాగ్రత్తగా వ్యవహరించండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 27: కేసుల విచారణ విషయంలో జాగ్రత్తగా వ్యవహరించాలని ఎపి అడ్మినిస్ట్రేటివ్ ట్రిబ్యునల్‌ను ఉమ్మడి హైకోర్టు హెచ్చరిక జారీ చేసింది. వ్యక్తిగత కేసుల విషయంలోనూ, వారి విన్నపాలు విషయంలోనూ, మధ్యంతర ఉత్తర్వుల్లో సమతుల్యతను పాటించాలని కూడా హైకోర్టు పేర్కొంది. వైఎస్‌ఆర్ కడప జిల్లాలో వ్యవసాయ శాఖ జాయింట్ డైరెక్టర్ నిర్ణయాన్ని సవాలు చేస్తూ పి భువనేశ్వరి దాఖలు చేసిన పిటిషన్‌ను విచారించిన జస్టిస్ పివి సంజయ్ కుమార్ , జస్టిస్ అనిస్‌లతో కూడిన డివిజన్ బెంచ్ ఈ వ్యాఖ్యలను చేసింది. పాఠశాల జారీ చేసిన ఏడో తరగతి మార్కుల జాబితాను విశ్వసించలేమని పేర్కొంటూ ఆఫీసు సబార్డినేట్ ఉద్యోగానికి చేసిన దరఖాస్తును తిరస్కరించారని ఆమె ఆరోపించింది. ఈ విషయంలో తాను ఎపిఎటిని ఆశ్రయించానని, అయితే ఎలాంటి మధ్యంతర ఉత్తర్వు ఇవ్వలేదని, కనీసం తన రికార్డులు సవ్యమైనవో లేదో కూడా పరిశీలన జరిపించలేదని, పాఠశాల రికార్డులను కూడా తెప్పించుకోలేదని ఆమె పిటిషన్‌లో వాదించింది. పాఠశాల రికార్డులను సవ్యంగా నిర్వహిస్తోందా లేదా అన్నది పిటిషనర్‌కు సంబంధించిన అంశం కాదని, ఆ వ్యవహారాలను చూసుకోవల్సింది ఆ శాఖ అధికారులేనని, తాను ఏడో తరగతి చదివినట్టు ఇచ్చిన ధృవీకరణ సరైందో లేదో చూడాలే తప్ప రికార్డులు లేవనే సాకు చెప్పడానికి వీలు లేదని హైకోర్టు అభిప్రాయపడింది. ఇలాంటి కేసుల్లో ట్రిబ్యునల్ మరింత జాగరూకతతో వ్యవహరించాల్సి ఉందని హైకోర్టు పేర్కొంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.