రాష్ట్రీయం
కేశినేని బస్సుల నిలిపివేత
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ (క్రైం), మార్చి 31: రవాణారంగంలో కీలకంగా వ్యవహరిస్తున్న కేశినేని ట్రావెల్స్ అధినేత, విజయవాడ పార్లమెంటు సభ్యులు కేశినేని శ్రీనివాస్ (నానీ) ఇప్పుడు వారసత్వంగా వస్తున్న తన వ్యాపారాల నుంచి తప్పుకోనున్నారు. దీంతో దేశంలోని వివిధ రాష్ట్రాల్లో పరుగులు పెడుతున్న కేశినేని బస్సులకు బ్రేక్ పడింది. ఇక బస్సులు తిప్పనని నానీ ప్రకటించారు. ఇదే విషయాన్ని మీడియా ద్వారా వెల్లడించాలని ప్రయత్నించి ముఖ్యమంత్రి పిలుపు మేరకు వెళ్లి, ఆయనను కలిసి వచ్చిన అనంతరం కూడా తన నిర్ణయంలో మార్పు లేదని ప్రకటించారు. ఆయన అదే పట్టుతో ఉన్నారు. మొత్తం మీద ఇటీవల రవాణాశాఖ కమిషనర్‌తో జరిగిన వివాదాన్ని పురస్కరించుకుని కేశినేని నాని తన వ్యాపారాన్ని పణంగా పెడుతూ సంచలన నిర్ణయం తీసుకోవడంతో శుక్రవారం నగరంలో హైడ్రామా చోటు చేసుకుంది. ప్రస్తుతం 16రాష్ట్రాల్లో 150 బస్సులు కేశినేని ట్రావెల్స్ నుంచి తిరుగుతున్నాయి. 30ఏళ్ల రవాణా రంగంలో అనుభవం గడించిన కేశినేని ట్రావెల్స్‌లో ఐదువేల మంది ఉపాధి పొందుతున్నారు. ప్రైవేటు రవాణా రంగంలో ఆన్‌లైన్ బుకింగ్ విధానం తొలిసారిగా కేశినేని ట్రావెల్స్ ప్రవేశపెట్టింది. అయితే.. ప్రైవేటు ట్రావెల్స్ రంగంలో ఆధిపత్య పోరు నడుస్తున్న క్రమంలో కేశినేని ట్రావెల్స్‌కు ఇతర ట్రావెల్స్‌కు మధ్య కోల్డ్‌వార్ కొనసాగుతోంది. ఈక్రమంలో గతంలో ఆరెంజ్ ట్రావెల్స్‌కు చెందిన బస్సు ప్రమాదంలో విజయవాడలో ఒకరు మృతి చెందగా.. ఘటనపై కేసు నమోదైంది. అయితే రవాణాశాఖ ఆరెంజ్ ట్రావెల్స్ బస్సుకు సంబంధించి ఇవ్వాల్సిన నివేదికలో మార్పులు చేయాల్సిందిగా కేశినేని నాని అనుచరులు ఒత్తిడి తీసుకువచ్చారన్న నేపథ్యంలో రవాణాశాఖకు, కేశినేని మధ్య వివాదం తలెత్తింది. దీంతో ఇటీవల కమిషనర్ బాల సుబ్రహ్మణ్యంతో ఎంపి కేశినేని నాని, ఎమ్మెల్యే బొండా ఉమా, ఎమ్మెల్సీ బుద్దా వెంకన్న, తదితరులు గొడవకు దిగిన ఉదంతం రాష్ట్రంలో కలకలం రేకెత్తించిన విషయం తెలిసిందే. అధికార పార్టీ ప్రజాప్రతినిధులకు, రవాణాశాఖ ఉద్యోగులకు మధ్య అంతరం చోటు చేసుకోకుండా ముందే మేల్కొన్న ముఖ్యమంత్రి సూచనతో నానీ నేరుగా కమిషనర్ వద్దకు వెళ్లి ‘సారీ’ చెప్పాల్సి వచ్చింది. అదే ఇప్పుడు కేశినేని బస్సుల నిలిపివేత నిర్ణయానికి కారణమైనట్లు తెలుస్తోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.