రాష్ట్రీయం
భద్రాద్రి బ్రహ్మోత్సవాలకు ఘనంగా అంకురార్పణ
S ,7 à 8 RSCA (si SASPAS) et 6 cialis pharmacie cialis rapports de stage.
భద్రాచలం, ఏప్రిల్ 1: భద్రాద్రి కొత్తగూడెం జిల్లా భద్రాచలం శ్రీసీతారామచంద్రస్వామి తిరుకల్యాణ బ్రహ్మోత్సవాలకు శనివారం అంకురార్పణ జరిగింది. ఉదయం గర్భగుడి నుంచి ఉత్సవమూర్తులను ఊరేగింపుగా ప్రాకార మండపానికి తీసుకొచ్చారు. గోదావరి నుంచి తెచ్చిన తీర్థబిందెతో ప్రాకార మండపంలో ఉత్సవాంగ స్నపన తిరుమంజనం జరిగింది. ముందుగా సమస్త నదీజలాలు, పంచామృతాలతో అభిషేకం చేశాక మంజీరాలతో తిరుమంజనం జరిగింది. ఈ సందర్భంగా మూలవరుల వద్దకు బ్రహ్మోత్సవాలు నిర్వహించే రుత్విక్కులు మేళతాళాలతో వెళ్లి ఉత్సవ అనుజ్ఞ తీసుకున్నారు. తర్వాత దేవస్థానం ఈఓ తాళ్లూరి రమేశ్‌బాబు బ్రహ్మోత్సవాలు నిర్వహించే రుత్విక్కులకు దీక్షా వస్త్రాలను అందించారు. సాయంత్రం గోవిందరాజస్వామి ఆలయం నుంచి పుట్ట మన్ను తెచ్చి యాగశాలలో అంకురార్పణ చేశారు. నవధాన్యాలను, నవకలశాలను స్థాపించి, దేవతామూర్తులను ఆవాహన చేసి, అఖండ దీపాన్ని వెలిగించి పాళికల్లో అంకురాలను ఉంచి, తీర్థజలాలు చల్లారు. బ్రహ్మ, విష్ణు, మహేశ్వరులను ఆవాహన చేశారు. బలిహరణం నిర్వహించారు. భక్తులు అధిక సంఖ్యలో పాల్గొని స్వామి వారి తీర్థప్రసాదాలు స్వీకరించారు.
చిత్రం..తిరుమంజనం చేస్తున్న అర్చకులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.