రాష్ట్రీయం
తెలంగాణ మంత్రికి తప్పిన ప్రమాదం
S ,7 à 8 RSCA (si SASPAS) et 6 cialis pharmacie cialis rapports de stage.
నల్లగొండ, ఏప్రిల్ 9: రాష్ట్ర విద్యుత్, షెడ్యూల్ కులాల సంక్షేమశాఖ మంత్రి జి.జగదీష్‌రెడ్డి ఆదివారం హైద్రాబాద్-విజయవాడ రహదారిపై చోటుచేసుకున్న రోడ్డు ప్రమాదం నుండి తృటిలో తప్పించుకున్నారు. మంత్రి జగదీష్‌రెడ్డి హైద్రాబాద్ నుండి సూర్యాపేటకు వెళుతుండగా కట్టంగూర్ మండలం ఎరసానిగూడెం గ్రామం నుండి నకిరేకల్ వైపు వెళుతున్న ఇన్నోవా కారు ఆకస్మాత్తుగా హైవేపైకి వేగంగా వచ్చి మంత్రి కాన్వాయ్ మీదకు దూసుకొచ్చింది. కాన్వాయ్‌లో జగదీష్‌రెడ్డి ప్రయాణిస్తున్న ఫార్చునర్ కారుకు ముందున్న ఇన్నోవా కారు డ్రైవర్ కృష్ణయ్య తమపైకి దూసుకొచ్చిన కారుకు దూరంగా తమ కారును పక్కకు తప్పించగా అదే సమయంలో హైద్రాబాద్ వైపు వెళుతున్న ఐ20కారును ఢీ కొట్టింది. ఘటనలో ఐ20 కారు లో ప్రయాణిస్తున్న జిల్లాలోని గరిడేపల్లి మండలం గడ్డిపల్లికి చెందిన ఆరేపుడి సత్యం, ఆయన కుమారుడు సంతన్‌లకు స్వల్ప గాయాలయ్యాయి. మంత్రి కాన్వాయ్‌లోని ఇన్నోవా కారు డ్రైవర్ కృష్ణ, మంత్రి వ్యక్తిగత సహాయకుడు లింగయ్య, బంధువు కరుణాకర్‌రెడ్డి, గన్‌మెన్ అవినాశ్‌రెడ్డిలకు కూడా గాయాలయ్యాయి. ప్రమాదం జరిగిన వెంటనే గాయపడిన వారందరినీ నార్కట్‌పల్లి కామినేని ఆసుపత్రికి తరలించారు. ఇందులో వ్యక్తిగత సహాయకుడు లింగయ్య పరిస్థితి విషమంగా ఉండటంతో అతడిని హైద్రాబాద్‌కు తరలించారు. మంత్రి జగదీష్‌రెడ్డి సైతం సూర్యాపేటకు వెళ్లి అక్కడి నుండి లింగయ్యను పరమార్శించేందుకు ఇతర కార్యక్రమాలన్నీ రద్దు చేసుకుని హైద్రాబాద్ వెళ్లిపోయారు. మంత్రి జగదీష్‌రెడ్డి కాన్వాయ్‌కి రోడ్డు ప్రమాదం జరిగిందన్న సమాచారం అందుకున్న టిఆర్‌ఎస్ శ్రేణులు తొలుత తీవ్ర ఆందోళనకు గురయ్యాయి. ప్రమాదం తప్పిందన్న సమాచారంతో టిఆర్‌ఎస్ నాయకు లు, కార్యకర్తలంతా ఊరట చెందారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.