రాష్ట్రీయం
ఆంగ్ల భాష అభ్యాసానికి తోడ్పాటు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఏప్రిల్ 27: ఉద్యోగ - ఉపాధి అవకాశాలు మెరుగుపరచుకునేలా యువతలో ఆంగ్ల భాష ప్రావీణ్యం పెంపొందించే కార్యక్రమానికి రాష్ట్ర ప్రభుత్వం, బ్రిటీష్ కౌన్సిల్ భాగస్వామ్యంతో శ్రీకారం చుట్టింది. ‘ఇంగ్లీష్ కమ్యూనికేషన్ స్కిల్స్ ప్రాజెక్టు’ కింద రాష్ట్రంలోని ఉన్నత విద్యా సంస్థల్లో చదువుకుంటున్న వారిలో లక్ష మంది విద్యార్థులకు ఆంగ్లాన్ని సులభంగా అభ్యసించేలా శిక్షణ ఇవ్వనుంది. దీనికి సంబంధించి ముఖ్యమంత్రి నారా చంద్రబాబు నాయుడు సమక్షంలో ఆంధ్రప్రదేశ్ ప్రభుత్వం, ఆంధ్రప్రదేశ్ రాష్ట్ర ఉన్నత విద్యా సమితి (ఎపిఎస్‌సిహెచ్‌ఇ) బ్రిటీష్ కౌన్సిల్ మధ్య భాగస్వామ్యం కుదిరింది. గురువారం సచివాలయంలో జరిగిన ఈ కార్యక్రమంలో ముఖ్యమంత్రి ముందుగా బ్రిటీష్ కౌన్సిల్‌ను అభినందించారు. ఏడాదిలో లక్ష మంది విద్యార్థులను ఆంగ్ల భాషలో ప్రావీణ్యులను చేయాలని సంకల్పించడం సాధారణ లక్ష్యంకాదని ప్రశంసించారు. ఆంధ్రప్రదేశ్ - ఇంగ్లండ్ నడుమ అనుబంధం ఈనాటిది కాదని, ధవళేశ్వరం, ప్రకాశం, సంగం బ్యారేజీల నిర్మాణంతో తమ రాష్ట్రాన్ని అన్నపూర్ణగా మలిచిన ఘనత ఆనాటి బ్రిటీష్ అధికారులదేనని గుర్తు చేశారు. ఇంగ్లీష్‌పై పట్టు సాధించి యువత ఉద్యోగ - ఉపాధి అవకాశాలను మెరుగుపరుచుకునేందుకు, విద్యా సంబంధిత ఉన్నతికి ‘ఇంగ్లీష్ కమ్యూనికేషన్ స్కిల్స్ ప్రాజెక్టు’ దోహదపడుతుందని ముఖ్యమంత్రి ఆకాంక్షించారు. ప్రతి విద్యార్థి ఇంగ్లీష్ కమ్యూనికేషన్ స్కిల్స్ పెంపొందించుకోవాల్సిన అవసరం ఉందని అన్నారు. రాష్ట్రంలోని విశ్వవిద్యాలయాలు, విద్యా సంస్థల మధ్య పోటీ వాతావరణం తీసుకువచ్చి మెరుగైన ఫలితాలు రాబడుతున్నామని తెలిపారు. తెలుగు తప్పనిసరిగా అభ్యసిస్తునే ఇంగ్లీష్, హిందీ ఇంకా ఒకటి రెండు స్వదేశీ, విదేవీ భాషల్లో ప్రావీణ్యం సంపాధించేలా విద్యార్థులను ప్రోత్సహిస్తున్నామని వెల్లడించారు. ఇటు లక్ష మంది విద్యార్థులకు ఇంగ్లీష్ కమ్యూనికేషన్ స్కిల్స్ పెంపొందించే ప్రాజెక్టుపై బ్రిటీష్ కౌన్సిల్‌తోనూ, అటు రెండు బిలియన్ డాలర్ల పెట్టుబడులు పెట్టేందుకు రాష్ట్రంలో అడుగుపెడుతున్న కియా మోటార్స్‌తోనూ అవగాహన ఒప్పందాలు ఒకేరోజు చేసుకోవడం తనకు ఎంతో సంతోషం కలిగించిందని బాబు అన్నారు. ఈ ప్రాజెక్టు రాక కేవలం విద్యార్థులకే కాకుండా ఆంగ్ల భాష అధ్యాపకులకు ఉపకరిస్తుంది. అధ్యాపకులు తమ బోధనా పద్ధతులు ఉత్తమంగా ఉండేలా, సంభాషణ చాతుర్యం ఉన్నత రీతిలో సాగేలా తీర్చిదిద్దుకునేందుకు వీలు కలుగుతుంది. అధ్యాపకుల శిక్షణ కోసం మాస్టర్ ట్రైనర్లు అందుబాటులో ఉంటారు. వీరంతా విదేశీ పని వాతావరణానికి తగినట్టుగా విద్యార్థుల్లో స్పోకెన్ ఇంగ్లీష్ సమార్ధ్యం పెంచేందుకు తోడ్పాటు అందిస్తారు. ఈ కార్యక్రమంలో మంత్రి గంటా శ్రీనివాసరావు, బ్రిటీష్ కౌన్సిల్ ఎండి మైఖేల్ కింగ్, డైరెక్టర్ అలెన్ గెమ్మెల్ పాల్గొన్నారు.
చిత్రం..చంద్రబాబు సమక్షంలో బ్రిటిష్ కౌన్సిల్‌తో ఎంఓయు కుదుర్చుకుంటున్న దృశ్యం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.