రాష్ట్రీయం
ప్రైవేటు బస్సులను తిరగనివ్వండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 19: ఉభయ తెలుగురాష్ట్రాల్లో ప్రైవేటు బస్సులను అడ్డుకోవద్దని సేఫ్టీ జర్నీకి తోడ్పడాలని ప్రైవేటు బస్సు ఓనర్స్, ఆపరేటర్ల అసోసియేషన్ రాష్ట్రప్రభుత్వాలకు విజ్ఞప్తి చేసింది. సోమవారం నగరంలో ఏర్పాటు చేసిన విలేకరుల సమావేశంలో అసోసియేషన్ రాష్ట్ర ఉపాధ్యక్షుడు సునీల్‌కుమార్, సభ్యులు విక్రమ్‌రెడ్డి, శ్రీనివాస్ మాట్లాడుతూ, ఆంధ్రప్రదేశ్, తెలంగాణ రాష్ట్రాల్లో వెసలుబాటు లేకనే పొరుగు రాట్రల్లో రిజిస్ట్రేషన్ చేసుకుంటున్నామని స్పష్టం చేశారు. ప్రైవేటు ట్రావెల్స్ రిజిస్ట్రేషన్లపై తప్పుడు ప్రచారం జరుగుతుందన్నారు. తామేమీ పన్నులు ఎవేతదారులం కామని, ప్రభుత్వ నిబంధనల మేరకే పన్నులు చెల్లిస్తూ ట్రావెల్స్ నడుపుతున్నామన్నారు. తెలుగురాష్ట్రాల్లో రిజిస్ట్రేషన్ చేయించుకునే అవకాశం లేకపోవడంతోనే ఇతర రాష్ట్రాల్లో రిజిస్ట్రేషన్లు చేయించుకుంటున్నామని వారు స్పష్టం చేశారు.
ప్రభుత్వాలు ట్రావెల్స్‌పై చట్టవ్యతిరేకంగా అవలంభిస్తున్నాయని, ఒక వ్యక్తి ప్రమేయం, ప్రభుత్వంపై ఒత్తిడి మేరకు పాలకవర్గం తమపై దాడికి పాల్పడడం భావ్యం కాదన్నారు. తాము ఆర్టీసీకి పోటీ కాదని వారు స్పష్టం చేశారు. వైసీపీ అధినేత జగన్మోహన్ రెడ్డికి నాకు ఎటువంటి సంబంధం లేదని, నేను బినామిని కాదని సునీల్ స్పష్టం చేశారు. నాది నిజామాబాద్, జగన్‌గారిది కడప తనతో నాకు ఎలాంటి పరిచయం లేదన్నారు. తమ బస్సులను అడ్డుకుంటే ఆంధ్రప్రదేశ్ ప్రభుత్వంపై కోర్టుకు వెళ్తామని వారు హెచ్చరించారు. నిబంధనలకు లోబడే బస్సులు నడుపుతున్నామని, ఒక వ్యక్తి ఒత్తిడికి ప్రభుత్వాలు తలొగ్గడం సమంజసం కాదన్నారు. ప్రభుత్వాలు కల్పించలేని రవాణ సౌకర్యాన్ని తాము కల్పిస్తున్నామని, హైదరాబాద్-బెంగుళూరు, హైదరాబాద్-గోవా, పుణె, షిర్డీ, చెన్నై వంటి దూరప్రాంతాలకు సర్వీసులు నడుపుతున్నామన్నారు. ఇతర రాష్ట్రాలు నిర్దేశించిన టాక్స్‌ను చెల్లిస్తూ, ఆయా రాష్ట్రాల నిబంధనలకు లోబడే బస్సులు నడుపుతున్నామన్నారు.
అరుణాచల్ ప్రదేశ్ అధికారులకు తప్పుడు సమాచారం ఇవ్వడంతోనే ఆ రాష్ట్ర రవాణాశాఖ కొన్ని ప్రైవేటు బస్సుల రిజిస్ట్రేషన్లను రద్దు చేసిందని, అయితే దీనిపై తాము ఈటానగర్ కోర్టుకు వెళ్లామన్నారు. కోర్టు కూడా సానుకూలంగా స్పందించిందన్నారు. ఆలిండియా పర్మిట్‌కు ఒక సీటుకు మూడు నెలల కాలపరిమితికి రూ. 3,750లు పన్ను చెల్లిస్తున్నామని, తెలుగు రాష్ట్రాల ప్రభుత్వాలు తమ బస్సులను తిరుగనివ్వకపోవడంతో బెంగుళూరు-హైదరాబాద్ నడిచే స్లీపర్ సెల్ బస్సులను రద్దు చేసుకున్నామన్నారు.
దీంతో బెంగుళూరు నుంచి హైదరాబాద్‌కు వచ్చే వారిపై అదనంగా వెయ్యి రూపాయలు భారం పడుతుందన్నారు. రూ. 700లు ఒకరికి చార్జీ తీసుకుంటే.. ఇప్పుడు రూ. ఒక్కరికి రూ. 1500ల వరకు డిమాండ్ పెరిగిందన్నారు. స్టేజీ క్యారియర్‌గా నడుపుతున్నట్టు వచ్చిన ఆరోపణలను వారు త్రోసిపుచ్చారు. తాము స్టేజీ క్యారేజిగా బస్సులు నడపడం లేదని స్పష్టం చేశారు. ఇప్పటికైనా ఆంధ్రప్రదేశ్ ప్రభుత్వం ప్రైవేటు బస్సు సర్వీసులను అడ్డుకోవద్దని వారు విజ్ఞప్తి చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.