రాష్ట్రీయం
మాజీ ఎమ్మెల్యే ఆచూకీ లభ్యం
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, జూన్ 26: తిరుమలలో తప్పిపోయిన ఖమ్మంజిల్లా బూర్గంపహాడ్ మాజీ ఎమ్మెల్యే కుంజాభిక్షం తిరుపతిలోని కరకంబాడి రోడ్డులో ఓ హోటల్ వద్ద ఉన్నట్లు పోలీసులు గుర్తించారు. అయితే గత రెండు రోజులుగా ఆహారం తీసుకోకపోవడంతో కుంజాభిక్షం బాగా నీరసించి ఉండటంతో పోలీసులు వెంటనే ఆయన్ను స్విమ్స్ ఆసుపత్రికి తరలించి చికిత్స అందిస్తున్నారు. కుంజాభిక్షం శ్రీవారి దర్శనార్థం 16 మంది కుటుంబ సభ్యులతో శనివారం తిరుమలకు చేరుకున్నారు. రూ.300 క్యూలైన్‌లోస్వామివారిని దర్శించుకున్నారు. ఆలయం వెలుపలకు వచ్చే సమయంలో కుంజాభిక్షం కుటుంబ సభ్యులనుంచి వేరయ్యారు. ఈ విషయాన్ని గమనించిన ఆయన సతీమణి వెంకటరమణి, అల్లుడు డాక్టర్ సంతోష్‌కుమార్ చుట్టుపక్కల ఎంత వెదికినా ఫలితం లేకపోవడంతో తిరుమల వన్‌టౌన్ పోలీసులకు ఫిర్యాదుచేశారు. పోలీసులు సిసి పుటేజ్‌లో ఆయన కదలికలను గుర్తించి గాలింపు చేపట్టారు. ఇందుకు రెండు ప్రత్యేక బృందాలను తిరుపతి నగరంలో కూడాగాలించాయి. ఈ క్రమంలో కుంజాభిక్షం ఆచూకీ లభ్యమైంది. వెంటనే ఈ సమాచారాన్ని పోలీసులు ఆయన కుటుంబ సభ్యులకు తెలిపారు. కాగా నీరసంగా ఉన్న కుంజాభిక్షంకు స్విమ్స్‌లో చికిత్స అందిస్తున్నారు. గత కొన్ని సంవత్సరాలుగా ఆయన మతిమరుపువ్యాధితో బాధపడుతుండటంతో ఈ పరిస్థితి ఏర్పడినట్లు కుటుంబ సభ్యులు తెలిపారు. మొత్తంమీద మాజీ ఎమ్మెల్యే మిస్సింగ్ కథ సుఖాంతం అయింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.