రాష్ట్రీయం
త్వరలో మూడో ఏరోస్పేస్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 19: రక్షణ, విమానయాన రంగాల హబ్‌గా హైదరాబాద్ త్వరలోనే సాక్షాత్కరించనుందని రాష్ట్ర సాంకేతిక సమాచార, పరిశ్రమల మంత్రి కె తారకరామారావు పునరుద్ఘాటించారు. విమానయానం, అంతరిక్షం, రక్షణ రంగాలకు ఇప్పటికే హైదరాబాద్ గమ్యస్థానమైందన్నారు. ఆదిభట్ల సెజ్‌లో న్యూకాన్ ఏరోస్పేస్ కేంద్రాన్ని మంత్రి ప్రారంభించారు. విమానయానం, అంతరిక్షం, రక్షణ రంగాలకు సంబంధించి ఉత్పత్తి, అమరిక, ఏవియేషన్ స్పేస్, రక్షణరంగ ఉత్పత్తుల పరీక్షల సదుపాయాలను ఈ సంస్థ అందించనుంది. న్యూకాన్ ఏరోస్పేస్ కేంద్రాన్ని ప్రారంభించిన అనంతరం మంత్రి కెటిఆర్ మాట్లాడుతూ హైదరాబాద్‌ను రక్షణ, వైమానిక రంగాల హబ్‌గా మార్చేందుకు సత్వర చర్యలు తీసుకుంటున్నామన్నారు. ఇప్పటికే ఆదిభట్ల, శంషాబాద్‌లలో రెండు ఏరోస్పేస్ పార్క్‌లను అభివృద్ధి చేశామన్నారు. మూడో ఏరో స్పేస్ పార్క్ త్వరలోనే ఏర్పాటు చేస్తామని ప్రకటించారు. అలాగే, హైదరాబాద్‌లో రక్షణ ఉత్పత్తుల ప్రదర్శనను త్వరలో నిర్వహిస్తామన్నారు. హైదరాబాద్‌లో వైమానిక విశ్వవిద్యాలయం ఏర్పాటుకు లండన్‌కు చెందిన ట్రాన్ ఫీల్డ్ వర్శిటీతో ఇప్పటికే ఒప్పందం కుదుర్చుకున్నట్టు చెప్పారు. తెలంగాణ కొత్త పారిశ్రామిక విధానంలో 15 రోజుల్లోనే కొత్త పరిశ్రమలకు అనుమతులు ఇస్తున్న విషయాన్ని గుర్తు చేశారు. పారిశ్రామికంగా రాష్ట్రాన్ని మరింత ముందుకు తీసుకెళ్లే యోచనతో పెట్టుబడులను ఆకర్షించేందుకు ముఖ్యమంత్రి కెసిఆర్ కృషి చేస్తున్నట్టు చెప్పారు. పరిశ్రమల స్థాపనకు తెలంగాణ అనువైన ప్రదేశమని, అనుమతుల సరళీకరణతో ఎందరో పారిశ్రామికవేత్తలు పరిశ్రమల స్థాపనకు ముందుకొస్తున్నారని అన్నారు. పారిశ్రామికీకరణలో దేశంలోనే ప్రథమస్థానంలో తెలంగాణ ఉందన్న విషయాన్ని మర్చిపోకూడదన్నారు. కొత్త పరిశ్రమల ఏర్పాటుతో 2.3 లక్షలమందికి ఉపాధి అవకాశాలు రానున్నట్టు మంత్రి కెటిఆర్ వెల్లడించారు. భవిష్యత్‌లో మరిన్ని పరిశ్రమలను రాష్ట్రానికి ఆకర్షించేందుకు ప్రభుత్వం ప్రణాళికలు రూపొందిస్తుందని వెల్లడించారు. న్యూకాన్ చైర్మన్, ఎండి హేమంత్ జలాన్ మాట్లాడుతూ గత మూడు దశాబ్దాల్లో న్యూకాన్ అసలైన గ్లోబల్ లీడర్‌గా ఎదగిందన్నారు. నిబద్ధత కలిగిన నిపుణులతోపాటు, ప్రపంచంలో అత్యుత్తమ సాంకేతికత స్వీకరించడం, అత్యంత నైపుణ్యం కలిగిన సిబ్బంది నడుమ ఆవిష్కరణలను ప్రోత్సహించడం జరుగుతుందని వివరించారు. హైదరాబాద్‌కు విస్తరించిన కేంద్రం ద్వారా విమానయాన, రక్షణరంగ ఉత్పత్తులపరంగా ప్రతిష్టాత్మక స్థానం సంపాదించి, పలు ప్రాజెక్టులకు పూర్తిస్థాయిలో పరిష్కారాలు అందిస్తుందన్నారు. కార్యక్రమంలో మహేశ్వరం ఎమ్మెల్యే తీగల కృష్ణారెడ్డి, డిజి మిసైల్స్ అండ్ స్ట్రాటజిక్ సిస్టమ్స్ అండ్ సైంటిఫిక్ అడ్వైజర్ జి సతీష్‌రెడ్డి, లిక్విజ్ ప్రొపల్షన్ సిస్టమ్స్ సెంటర్ డైరెక్టర్ సోమనాథ్, బిడిఎల్ సిఎండి ఉదయభాస్కర్, ఆర్‌సిఐ డైరెక్టర్ నారాయణమూర్తి, డిఆర్‌డిఎల్ అసోసియేట్ డైరెక్టర్ చంద్రవౌళి తదితరులు పాల్గొన్నారు.
చిత్రం..న్యూకాన్ సంస్థ కేంద్రాన్ని ప్రారంభిస్తున్న మంత్రి కెటిఆర్, సంస్థ ప్రతినిధులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.