రాష్ట్రీయం
మీకు నేనే అండ
S ,7 à 8 RSCA (si SASPAS) et 6 cialis pharmacie cialis rapports de stage.
నంద్యాల, ఆగస్టు 20: రాష్ట్రంలో కాపు, బలిజలకు రాజకీయ ప్రాధాన్యం కల్పించి అన్ని రంగాల్లో వారిని ప్రోత్సహిస్తోంది తెలుగుదేశం ప్రభుత్వమేనని ముఖ్యమంత్రి నారా చంద్రబాబునాయుడు అన్నారు. నంద్యాల ఉప ఎన్నిక ప్రచారంలో భాగంగా ఇక్కడ ఆదివారం నిర్వహించిన బలిజల ఆత్మీయ సదస్సుకు ముఖ్యఅతిధిగా హాజరైన సిఎం మాట్లాడుతూ 2014 ఎన్నికల్లో కాపు, బలిజలకు ఇచ్చిన మాట ప్రకారం ఎమ్మెల్యే సీట్లు కేటాయించామన్నారు. నలుగురికి మంత్రి పదవులు కూడా ఇచ్చామన్నారు. ఎన్నికల మేనిఫెస్టోలో ఇచ్చిన హామీ మేరకు కాపులను బిసిల్లో చేర్చేందుకు మంజునాథ కమిషన్ ఏర్పాటు చేశానని, కమిషన్ నివేదిక అందిందని, త్వరలో శాసనసభలో ప్రవేశపెడతామన్నారు. సామాజిక న్యాయం గురించి తాను విద్యార్థి దశలోనే నేర్చుకున్నానని, అందుకే విద్య, ఆర్థిక రంగాల్లో వెనుకబడిన బడుగు, బలహీన వర్గాలను అన్ని విధాలుగా ఆదుకుంటున్నామన్నారు. కాపులకు కాపు కార్పొరేషన్ ఏర్పాటు చేసి వెయ్యి కోట్లు కేటాయించామన్నారు. తద్వారా అన్ని రకాలుగా ఆర్థికంగా కాపు, బలిజలు నిలదొక్కుకుంటారన్నారు. వైకాపా అభ్యర్థి నంద్యాలలో చేసిన ఆగడాలు ఒక్కొక్కటి బయటకు వస్తున్నాయన్నారు. అమ్మాయిలను మానభంగం చేసి చంపేసి కేసు కూడా పెట్టకుండా చేశారని, సహకార వ్యవస్థ అని పెట్టి మహిళలకు వడ్డీలేని రుణాలు ఇస్తున్న సొసైటీపై విచారణ చేసి నిగ్గు తేలుస్తామన్నారు. మహిళలకు ప్రభుత్వం మెప్మా ద్వారా వడ్డీలేని రుణాలు, సబ్సిడీలు ఇస్తుండగా, వైకాపా అభ్యర్థి తన స్వలాభం కోసం ఆడవారిని చేరదీసి వడ్డీలేని రుణాల పేరిట జులుం చేస్తున్నారని ఆరోపించారు. ఆ వ్యవస్థలో తీసుకున్న రుణాలు ఎవరూ చెల్లించాల్సిన అవసరం లేదన్నారు. చేసే పనులన్నీ తప్పుడు పనులేనని, లాభం లేనిది ఏ పని చేయరన్నారు. కుందూనది విస్తరణ కోసం ఇచ్చిన నిధులను దుర్వినియోగం చేశారని, భూగర్భ డ్రైనేజి కోసం ఇచ్చిన డబ్బులు ఏ విధంగా మాయం చేశారో మీకు తెలుసన్నారు.
డబ్బులు వసూలు చేసుకోవడం తప్ప నంద్యాలకు ఏమి ఒరగబెట్టింది లేదన్నారు. అధికార దుర్వినియోగం చేసి బయట వ్యాపారాలు చేసుకుంటున్నారని ఇలాంటి అవినీతి పరమైన వ్యక్తులు మీకు అవసరమా అని ప్రశ్నించారు. తనపై అనుచిత వ్యాఖ్యలు చేస్తున్నారని, అయినా మీ కోసం వాటిని భరిస్తున్నానన్నారు. రాజకీయంగా, ఆర్థికంగా మీ అవసరాలను నెరవేర్చే బాధ్యత తనదని, రేపు ఎలాంటి కానుక నాకు ఇస్తారో చూస్తాను. గెలువడం కాదు భారీ మెజార్టీ సాధించాలని పిలుపునిచ్చారు. అభివృద్ధికే మా ఓటు, అవినీతికి కాదని చాటి చెప్పాల్సిన బాధ్యత నంద్యాల ఓటర్లపై ఉందన్నారు. సియంనే నడిరోడ్డుపై కాల్చివేస్తామని చెబుతున్న నాయకులు మీ పరిస్థితిని ఎలా పట్టించుకున్నారన్నారు. ప్రతిపక్ష నేత ఎన్ని మాటలన్నా, బాధకలిగినా ప్రజలు ఆనందంగా ఉండడం కోసం ఎంతైనా భరిస్తానన్నారు. అవినీతి లేని సుపరిపాలన ఇస్తున్నాం, రోడ్లు వెడల్పు చేయాలని 98 శాతం ప్రజలు అడుగడంతోనే పనులు ప్రారంభించామన్నారు. శిల్పా భూకబ్జా బాదితులను ఆదుకుంటామన్నారు. అంతకు ముందు జరిగిన ముస్లిం మైనారిటీల సమావేశంలో చంద్రబాబు మాట్లాడుతూ మైనారిటీల సంక్షేమానికి ప్రభుత్వం కట్టుబడి ఉందన్నారు. ఈసారి రూ.740 కోట్లు కేటాయించామన్నారు. నంద్యాల నేతలు ఫరూక్‌కు ఎమ్మెల్సీ పదవి, నౌమాన్‌కు ఉర్దూ అకాడమి చైర్మన్ పదవి ఇచ్చానన్నారు. ఈ సమావేశంలో మంత్రులు సోమిరెడ్డి చంద్రమోహన్‌రెడ్డి, కాల్వ శ్రీనివాసులు, గంటా శ్రీనివాసులు, కాపు కార్పొరేషన్ చైర్మన్ చలమలశెట్టి రామానుజయ, స్థానిక బలిజ సంఘం నాయకులు శాంతిరామ్ విద్యాసంస్థల అధినేత మిద్దె శాంతిరాముడు, కాపు కార్పొరేషన్ డైరెక్టర్ రామచంద్రరావు, వర్థంశెట్టి రాజారాం, డా.రవికృష్ణ, రాజశేఖర్ పాల్గొన్నారు.
చిత్రం..నంద్యాలలో జరిగిన బలిజల ఆత్మీయ సదస్సులో ప్రసంగిస్తున్న చంద్రబాబునాయుడు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.