రాష్ట్రీయం
అఖిలపక్ష సమావేశం ఏర్పాటు చేయాలి:సిపిఐ
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, నవంబర్ 27: రాష్ట్రంలో ప్రభుత్వ ఇసుక విధానం, బాక్సైట్ తవ్వకాల అంశాలపై తక్షణమే అఖిలపక్ష సమావేశం ఏర్పాటుచేయాలని సిపిఐ రాష్ట్ర కార్యదర్శి కె.రామకృష్ణ డిమాండ్ చేసారు. ఈమేర ఆయన శుక్రవారం ముఖ్యమంత్రి చంద్రబాబునాయుడుకు బహిరంగ లేఖ రాసారు. ఇసుక విధానంపై శే్వతపత్రం విడుదల చేయటంతోపాటు ప్రజల అభిప్రాయాలు తెలుసుకునేందుకు కాల్‌సెంటర్ పెడతామని చేసిన ప్రకటనను స్వాగతిస్తున్నామన్నారు. 2వేల కోట్ల రూపాయల మేర ఇసుక మాఫియా చేతుల్లోకి వెళ్లిందంటూ మీడియాలో విభిన్న కథనాలు వచ్చాయని, ఈ మాఫియాలో ప్రత్యక్షంగా, పరోక్షంగా కొందరు ఎంపి, ఎమ్మెల్యేల ప్రమేయం ఉందనేది బహిర్గమైందని రామకృష్ణ అన్నారు. విశాఖ మన్యం ప్రాంతంలో బాక్సైట్ తవ్వకాలను వ్యతిరేకిస్తూ దివంగత వైఎస్ రాజశేఖరరెడ్డి ప్రభుత్వం ఇచ్చిన అనుమతులు రద్దుచేయాలని, మీరు ప్రతిపక్షంలో వుండగా గవర్నర్‌కు లేఖ అందించిన విషయాన్ని మరిచిపోయారా అంటూ ఎద్దేవా చేసారు. అయితే అధికారంలోకి వచ్చిన తర్వాత అదే బాక్సైట్ తవ్వకాల కోసం జీవో 97 విడుదల చేయటం సరైంది కాదన్నారు. మన్యం ప్రాంతంలో గిరిజనుల ఉనికికి ప్రమాదకరంగా పరిణమించిన బాక్సైట్ తవ్వకాలను నిలిపివేయాలని స్థానిక ప్రజలు, గిరిజనులు చేసిన ఆందోళన ఫలితంగానే జీవోను తాత్కాలికంగా నిలుపుదల చేసినప్పటికీ ప్రమాదం పొంచి వుందన్నారు.
అసలు గత 19 మాసాల పాలనలో ప్రజా ప్రయోజనకరమైన ఏ ఒక్క అంశంపై కూడా అఖిలపక్ష సమావేశం ఏర్పాటు చేయకపోవటానికి కారణం ఏమిటని రామకృష్ణ ప్రశ్నించారు. చరిత్రలో ఏ ప్రభుత్వం కూడా ఇలా అఖిలపక్ష సమావేశాలు నిర్వహించకుండా ఏకపక్ష నిర్ణయాలు చేసిన ఘటనలు లేవన్నారు. ప్రస్తుత సమస్యలైన ఇసుక విధానం, బాక్సైట్ తవ్వకాలపై అఖిలపక్ష సమావేశం ఏర్పాటుచేయాలని ఆయన డిమాండ్ చేసారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.