రాష్ట్రీయం
చోటా మోదీ.. కెసిఆర్
S ,7 à 8 RSCA (si SASPAS) et 6 cialis pharmacie cialis rapports de stage.
వికారాబాద్, సెప్టెంబర్ 20: దేశాన్ని పాలిస్తున్న నరేంద్రమోదీని రాష్ట్రాన్ని పాలిస్తున్న చోటా మోదీ (కెసిఆర్) అనుసరిస్తున్నారని కాంగ్రెస్ రాష్ట్ర వ్యవహారాల ఇంచార్జి, ఏఐసిసి కార్యదర్శి రామచంద్ర కుంతియా విమర్శించారు. బుధవారం వికారాబాద్ జిల్లా పరిగి నియోజకవర్గ కేంద్రంలో ఎమ్మెల్యే టి.రామ్మోహన్‌రెడ్డి అధ్యక్షతన ఏర్పాటు చేసిన ఇందిరమ్మ రైతు సభ వికారాబాద్, రంగారెడ్డి జిల్లాల అవగాహన సదస్సుకు ముఖ్య అతిథిగా హాజరయ్యారు. దేశాన్ని, రాష్ట్రాన్ని పాలించిన కాంగ్రెస్ ప్రభుత్వాలు ఇచ్చిన భూములపై కెసిఆర్ ప్రభుత్వం సాగునీటి ప్రాజెక్టుల పేర, ఎయిర్‌పోర్ట్ నిర్మాణాల పేర, పరిశ్రమల ఏర్పాటు పేర అధికారం చెలాయించే ప్రయత్నం చేస్తున్నారని ఆరోపించారు. గొప్పలు చెప్పుకునేందుకే భూప్రక్షాళన, సర్వే పనులను కెసిఆర్ చేపడుతున్నారని విమర్శించారు. సోనియా నేతృత్వంలో వైఎస్‌ఆర్ సిఎంగా ఉన్నపుడు ఎస్సీ, ఎస్టీ, బీసీలకు భూములిచ్చారని గుర్తుచేశారు. గత మూడేళ్లుగా విద్యార్థులకు స్కాలర్‌షిప్స్, ఫీజు రీయంబర్స్‌మెంట్ ఇవ్వలేదని, నిరుద్యోగులకు ఉపాధి కల్పించలేదని విమర్శించారు. సిఎం కెసిఆర్ హైదరాబాద్- ఢిల్లీల మధ్య తిరగడానికే ఎక్కువ సమయం కేటాయిస్తున్నారని, సెక్రటరియేట్ భవన నిర్మాణంపై ఉన్న దృష్టి ప్రజల బాగోగులపై లేదని పేర్కొన్నారు. బూత్ కమిటీలు బలంగా ఉంటేనే రాష్ట్రంలో పార్టీ బలోపేతమవుతుందని, 2019 ఎన్నికల్లో కాంగ్రెస్ అధికారానికి బూత్ కమిటీలు కీలకపాత్ర పోషిస్తాయన్నారు. కాంగ్రెస్ బూత్ కమిటీలు రైతుల సమస్యలు తెలుసుకుని మండల కమిటీల ద్వారా జిల్లా కమిటీలకు తెలియపర్చాలని, రైతు సమస్యలపై రాష్ట్ర కమిటీ ప్రభుత్వాన్ని నిలదీస్తుందన్నారు. బూత్ కమిటీల పనితీరు పరిశీలించి రాహుల్‌గాంధీ 2019 ఎన్నికల అభ్యర్థులను గుర్తిస్తారన్నారు. లక్షలాదిగా ఉన్న బూత్ కమిటీ సభ్యులు పార్టీ కోసం సైనికుల్లా పనిచేయాలని పిలుపునిచ్చారు. మోదీ పాలనలో జిఎస్‌టి కారణంగా సగటు మనిషి ఆదాయం పడిపోయిందని, నోట్ల రద్దు విషయంలో మోదీ ప్రభుత్వానికి వ్యతిరేకంగా మాట్లాడిన కెసిఆర్ మరుసటిరోజే మాట మార్చారని ఎద్దేవా చేశారు. మోదీ, కెసిఆర్ ఇద్దరూ అబద్దాలకు ఆనవాళ్లన్నారు. శాసనసభా పక్షనేత కె.జానారెడ్డి మాట్లాడుతూ రైతుల ఇబ్బందులు తొలగిస్తున్నట్లు భూ ప్రక్షాళన, నవీకరణ, శుద్దీకరణ పేర ప్రభుత్వం నటిస్తోందని విమర్శించారు. గత ప్రభుత్వాలు చేయలేపని తమ ప్రభుత్వం చేస్తోందని గొప్పలు చెప్పడానికే భూసర్వే అని ఆరోపించారు. భూ సర్వేలో అవకతవకలు జరిగినా, అన్యాయం జరిగినా వెంటనే స్పందించేందుకు అప్రమత్తంగా ఉండాలనే సదస్సులు నిర్వహిస్తున్నట్లు స్పష్టం చేశారు. ఐక్యత, సమన్వయంతో ప్రజల అభిమానాన్ని కాంగ్రెస్ పార్టీ సాధిస్తుందని వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.