రాష్ట్రీయం
డిసెంబర్ 1నుంచి రబీకి సాగర్ నీరు
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, అక్టోబర్ 22: నాగార్జున సాగర్ ప్రాజెక్టులో ఎగువ నుంచి నీరు వచ్చి చేరడంతో రబీలో సాగర్ ఆయకట్టుకు అందించేందుకు అధికారులు ప్రణాళికలు సిద్ధం చేశారు. ఎనె్నస్పీ ఎడమ కాల్వ పరిధిలోని నల్గొండ, సూర్యాపేట, ఖమ్మం జిల్లాల పరిధిలోని సుమారు 5 లక్షల ఎకరాల ఆయకట్టుకు నీరందించేందుకు ప్రభుత్వానికి నివేదిక పంపారు. డిసెంబర్ 1వ తేదీ నుంచి మార్చి 1 వరకు వారాబందీ పద్ధతిలో నీరు విడుదల చేస్తూ ఆయకట్టు భూములకు అందించాలని, ఇందుకోసం సుమారు 30 టిఎంసిలు కావాల్సి ఉంటుందని అధికారులు అంచనా వేశారు. నాగార్జున సాగర్ ప్రాజెక్టులో ఆదివారం నాటికి 571 అడుగుల నీటిమట్టంతో 261 టిఎంసిల నీరు ఉంది. రెండు తెలుగు రాష్ట్రాల్లోని సాగర్ ఆయకట్టుకు రబీ సీజన్‌లో ఈ నీరు సరఫరా చేయాల్సి ఉంది. కృష్ణానది యాజమాన్య బోర్డు తెలంగాణ రాష్ట్రానికి 48శాతం, ఆంధ్రప్రదేశ్ రాష్ట్రానికి 52శాతం నీటిని కేటాయించింది. ఈ కేటాయింపుల ఆధారంగానే నాగార్జునసాగర్, శ్రీశైలం ప్రాజెక్టుల్లో అందుబాటులో ఉన్న నీటిని తెలుగు రాష్ట్రాలు వాడుకోవాల్సి వుంది. అంతేకాకుండా హైదరాబాద్ జిల్లాతో పాటు నల్గొండ జిల్లా ప్రజల తాగునీటి అవసరాలకు సరఫరా చేయాల్సి వుంది.
గత రబీ సీజన్‌లో వారాబందీ పద్ధతిలో సాగునీరు సరఫరా చేయడంతో వరి దిగుబడి బాగా పెరిగిందని గుర్తించిన వ్యవసాయ శాఖాధికారులు ఈ సీజన్‌లో కూడా అదే పద్ధతిలో నీరు విడుదల చేయనున్నారు. తొమ్మిది రోజులు సాగునీటిని సరఫరా చేస్తారు. తరువాత ఆరురోజులు కాల్వలకు నీటి సరఫరాను నిలిపివేస్తారు. ఈ పద్ధతిలో కాల్వలకు నీటి సరఫరాను మార్చుతూ షెడ్యూల్ రూపొందించి ప్రభుత్వానికి నివేదిక అందించారు. సాగర్ ప్రధాన కాల్వకు అనుసంధానంగా ఉన్న మేజర్ కాల్వలకు కూడా ఇదే పద్ధతిలో నీరు విడుదల చేస్తారు. ఈవిధంగా ఒక్కో ప్రాంతంలోని భూములకు తొమ్మిదిసార్లు నీరందించేలా అధికారులు నిర్ణయం తీసుకున్నారు.
ఖమ్మం జిల్లాలోని సాగర్ ఆయకట్టు పరిధిలో ఉన్న 17 మండలాలకు గత ఐదేళ్లుగా సాగునీరు అందలేదు. ఈ దఫా సాగర్ ప్రాజెక్టుకు భారీగా వరద నీరు చేరడంతో రైతులు ఆనందం వ్యక్తం చేస్తున్నారు. రానున్న రోజుల్లో ప్రాజెక్టులోకి మరింతగా నీరు చేరితే అప్పటి పరిస్థితుల ఆధారంగా షెడ్యూల్‌ను సవరించే అవకాశం ఉంటుంది. దీనిపై ఎనె్నస్పీ ఎగ్జిక్యూటివ్ ఇంజనీర్ వెంకటేశ్వర్లు మాట్లాడుతూ ముందస్తు ఏర్పాట్లలో భాగంగా షెడ్యూల్ రూపొందించామని తెలిపారు. సాగర్ నుంచి ముందుగానే నీరు విడుదల చేయాలని ప్రభుత్వం ఆదేశిస్తే అందుకు అనుగుణంగా షెడ్యూల్‌ను సవరిస్తామని, అయితే నీరు ఎప్పుడు విడుదల చేసినా వారాబందీ విధానమే అమలు చేస్తామని వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.