రాష్ట్రీయం
వేతనాల కోసం కదం తొక్కిన అంగన్‌వాడీలు
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, నవంబర్ 27: పెంచిన వేతనాల జీఓను వెంటనే విడుదల చేయాలంటూ అంగన్‌వాడీ వర్కర్లు చేపట్టిన కలెక్టరేట్ల ముట్టడి కార్యక్రమం శుక్రవారం ఉత్తరాంధ్రలో ఉద్రిక్తంగా జరిగింది. కలెక్టరేట్లలోకి చొచ్చుకు వెళ్లేందుకు ప్రయత్నించిన వారిని ఎక్కడికక్కడ పోలీసులు అరెస్టు చేశారు. విశాఖ నగరంలో భారీ ప్రదర్శన నిర్వహించిన అంగన్‌వాడీలు కలెక్టరేట్ వద్దకు చేరుకుని రోడ్డుపై బైఠాయించారు. వీరు కలెక్టరేట్ లోపలకు ప్రవేశించకుండా గేట్లు మూసివేసిన పోలీసులు కంచెలు, తాళ్లతో అడ్డుకున్నారు. ఈ సందర్భంగా తీవ్రస్థాయిలో వాగ్వివాదాలు జరిగాయి. చివరకు దొరికిన వారిని దొరికినట్టుగా పోలీసులు వ్యాన్‌ల్లోకి స్టేషన్లకు తరలించారు. విజయనగరంలో పోలీసు వలయాన్ని ఛేదించుకుని కలెక్టరేట్‌లోకి చొచ్చుకు వెళ్లేందుకు ప్రయత్నించినపుడు తీవ్రస్థాయిలో తోపులాట జరిగింది. పరిస్ధితి ఉద్రిక్తంగా మారుతుండటంతో ప్రజాసంఘాల నాయకులను ఒక్కరిగా కలెక్టరేట్ గేటు లోపలికి తీసుకువెళ్లి పోలీసులు అదుపులోకి తీసుకున్నారు. శ్రీకాకుళం జిల్లాలో కలెక్టరేట్ ముట్టడికి బయలుదేరిన ఆంగన్‌వాడీలను ముందుగానే ఎక్కడికక్కడ అదుపులోకి తీసుకున్నారు. అయినప్పటికీ భారీ సంఖ్యలో కలెక్టరేట్ వద్దకు చేరుకున్న అంగన్‌వాడీలు ముట్టడి కార్యక్రమం నిర్వహించారు. ఉద్యోగులు లోపలికి వెళ్లకుండా అందోళనకారులు అడ్డుకోవటంతో పోలీసులు వారిని అదుపులోకి తీసుకున్నారు. అంగన్‌వాడీ వర్కర్స్ అండ్ హెల్పర్స్ యూనియన్ ఆధ్వర్యంలో జరిగిన ఈ ముట్టడి కార్యక్రమానికి సిపిఎం, వైకాపా, సిఐటియు మద్దతు తెలిపాయి.
విశాఖ కలెక్టరేట్‌లోకి చొచ్చుకెళ్లేందుకు ప్రయత్నిస్తున్న అంగన్‌వాడీలను అరెస్టు చేస్తున్న పోలీసులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.