రాష్ట్రీయం
ఊర కుక్కల దాడిలో చిన్నారి మృతి
S ,7 à 8 RSCA (si SASPAS) et 6 cialis pharmacie cialis rapports de stage.
కంచికచర్ల, జనవరి 28: ఊర కుక్కల దాడిలో మూడేళ్ల చిన్నారి మృతి చెందిన విషాద ఘటన కృష్ణా జిల్లా కంచికచర్ల మండలం వేములపల్లి గ్రామంలో గురువారం జరిగింది. గ్రామానికి చెందిన కామా వెంకటేశ్వర్లు, వెంకట రమణ దంపతుల కుమార్తె అనన్య (3) ఉదయం ఆరుబయట ఆడుకుంటుండగా ఊర కుక్కలు మెడపట్టుకొని పొలాల్లోకి ఈడ్చుకు వెళ్లాయి. ఉదయం ఏడు గంటల ప్రాంతంలో ఆడుకోవడానికి బయటకు వెళ్లిన బాలిక ఇంటిలోకి రాకపోవడంతో తల్లిదండ్రులు గాలించగా 11.30గంటల ప్రాంతంలో పొలాల్లో మృతదేహాన్ని కనుగొన్నారు. వెంకటేశ్వర్లు, వెంకట రమణ దంపతులకు ఐదేళ్ల కుమారుడు, మూడేళ్ల కుమార్తె సంతానం కాగా కుమార్తె కుక్కల దాడిలో మృతి చెందడంతో బోరుబోరున విలపించారు. ఎస్‌ఐ ఈశ్వరరావు ఘటనా స్థలాన్ని పరిశీలించి చిన్నారి మృతదేహాన్ని పోస్టుమార్టం నిమిత్తం నందిగామ ప్రభుత్వ ఆసుపత్రి మార్చురీకి తరలించారు. విషయం తెలిసిన వెంటనే ఎమ్మెల్యే తంగిరాల సౌమ్య, జడ్‌పిటిసి కోగంటి బాబులు మార్చురీకి చేరుకొని చిన్నారి మృతదేహాన్ని పరిశీలించారు. కుటుంబ సభ్యులను పరామర్శించి ప్రగాఢ సానుభూతి తెలియజేశారు. ఎమ్మెల్యే తంగిరాల సౌమ్య వెంటనే స్పందించి పంచాయతీల అధికారులకు ఫోన్ చేసి గ్రామాల్లో ఊర కుక్కల సంచారం తగ్గించేందుకు తక్షణం చర్యలు తీసుకోవాలని సూచించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.