రాష్ట్రీయం
తడిసిన ధాన్యం కొనాల్సిందే
S ,7 à 8 RSCA (si SASPAS) et 6 cialis pharmacie cialis rapports de stage.
కొత్తపేట/తణుకు, నవంబర్ 27: అకాల వర్షాల కారణంగా తడిసిన ధాన్యాన్ని ప్రభుత్వం తక్షణం మద్దతు ధరకు కొనుగోలుచేయాలని వెంటనే వైఎస్సార్ కాంగ్రెస్ పార్టీ అధినేత వైఎస్ జగన్ డిమాండ్‌చేశారు. ఇటీవల కురిసిన వర్షాలకు తూర్పు, పశ్చిమ గోదావరి జిల్లాల్లోని కొత్తపేట తణుకు మండలాల్లో నష్టపోయిన వరి పొలాలను శుక్రవారం జగన్ పరిశీలించారు. కొత్తపేట శివారు చినగూళ్ళపాలెం, పెదగూళ్ళపాలెం గ్రామాల్లో నష్టపోయిన వరి పంటను, అలాగే తడిసిన వరిధాన్యాన్ని ఆయన పరిశీలించి రైతులతో మాట్లాడారు. కొత్తపేట ఎమ్మెల్యే చిర్ల జగ్గిరెడ్డి రైతులకు జరిగిన నష్టాన్ని జగన్‌కు వివరించారు. తుపాన్ల కారణంగా పంటను ఏవిధంగా కోల్పోతున్నామో రైతులు జగన్‌కు వివరించారు. అలాగే గత తుపాన్ల సమయంలో వేసిన పంటనష్టం పరిహారాలు నేటికి అందని విషయాన్ని వారు జగన్ దృష్టికి తీసుకొచ్చారు. పశ్చిమ గోదావరి జిల్లాలోని తణుకు మండలం దువ్వ గ్రామంలో వరిపొలాలను జగన్ పరిశీలించారు. అక్కడి రైతులతో మాట్లాడారు. ఈసందర్భంగా జగన్ విలేఖర్లతో మాట్లాడుతూ రెండు జిల్లాల్లో వరిపంటకు అపార నష్టం సంభవించినా, రైతులకు భరోసా ఇచ్చి ఆదుకోలేకపోయారని ముఖ్యమంత్రిపై ధ్వజమెత్తారు. తూర్పుగోదావరి జిల్లాలో లక్షన్నర ఎకరాల్లో, పశ్చిమ గోదావరి జిల్లాలో రెండున్నర లక్షల ఎకరాల్లో వరి పంటకు నష్టం వాటిల్లగా, నేటికీ పంట నష్టం అంచనాలను కూడా వేయలేని స్థితిలో ప్రభుత్వం ఉందన్నారు. నష్టపోయిన రైతులను పరామర్శించడానికి రాని ముఖ్యమంత్రి కనీసం తడిసిన ధాన్యానికి మద్దతు ధర ప్రకటిస్తూ జివోలు కూడా ఇవ్వకపోవడం దారుణమన్నారు. గత తుపాన్ల సహాయాలే నేటికి రైతులకు అందలేదని, ఇప్పుడు వచ్చిన నష్టానికి అంచనాలు ఎప్పుడు వేస్తారు, సాయం ఎప్పుడు అందిస్తారని ప్రశ్నించారు. పంటనష్టం విషయంలో ప్రభుత్వం మీనమేషాలు లెక్కించకుండా తడిసిన ధాన్యానికి మద్దతు ధరకు కొనుగోలుచేయాలని, నష్టపోయిన రైతులకు పరిహారం ప్రకటించాలని జగన్ డిమాండ్ చేశారు.
తూ.గో.లో నష్టపోయిన రైతులతో మాట్లాడుతున్న జగన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.