రాష్ట్రీయం
ఉరేసుకున్న నిరుద్యోగం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 3: ఉస్మానియా యూనివర్సిటీలో పీజీ విద్యార్థి ఆత్మహత్య తీవ్ర ఉద్రిక్తతకు దారితీసింది. ఓయూలోని మానేరు హాస్టల్‌లో ఎమ్మెస్సీ మొదటి సంవత్సరం విద్యార్థి మురళి ఆదివారం ఉరేసుకుని ఆత్మహత్య చేసుకున్నాడు. సిద్దిపేట జిల్లా జగదేవ్‌పూర్ మండలం దౌలాపూర్‌కు చెందిన మురళి మానేరు హాస్టల్ రూమ్ నెం.159లో ఉంటూ చదువుకుంటున్నాడు. అయితే నిరుద్యోగం కారణంగానే మురళి ఆత్మహత్యకు పాల్పడినట్టు తెలుస్తుండగా, సూసైడ్ నోట్‌లో మాత్రం ‘ఈ చదువు నావల్ల కావట్లేదు.. నేను చనిపోతున్నా.. నన్ను క్షమించండి’ అంటూ రాసి ఉంది. విద్యార్థి ఆత్మహత్య సంఘటన ఓయూలో ఒక్కసారిగా ఉద్రిక్తతకు దారితీసింది. విద్యార్థి సంఘాలు భగ్గుమన్నాయి. పోలీసులు విద్యార్థి మృతదేహాన్ని గాంధీ ఆసుపత్రికి తరలిస్తుండగా అడ్డుకున్నారు. దీంతో పోలీసులు, విద్యార్థుల మధ్య తోపులాట జరిగింది. ఓయూ యాజమాన్యం నిర్లక్ష్యంవల్లే మురళి ఆత్మహత్యకు పాల్పడ్డాడని, ఇందుకు యాజమాన్యమే బాధ్యత వహించాలని డిమాండ్ చేశారు. మృతుని కుటుంబానికి రూ.50 లక్షలు పరిహారం చెల్లించాలని విద్యార్థి సంఘాలు డిమాండ్ చేశాయి. పోలీసులు భారీగా మోహరించి మృతదేహాన్ని గాంధీ ఆసుపత్రికి తరలించారు. ఈస్ట్‌జోన్ డీసీపీ ఎస్‌ఎస్ రాజు నేతృత్వంలో ఓయూలో గట్టి బందోబస్తు చేపట్టారు. ఎన్‌ఓసి గేటు మూసేసి నిషేధాజ్ఞలు విధించారు.
ఇలావుండగా ఓయూలో పరిస్థితి అదుపులోనే ఉందని నగర పోలీస్ కమిషనర్ వి శ్రీనివాసరావు తెలిపారు. ఓయూలో ఎమ్మెస్సీ చదువుతున్న మురళీ చదువు ఒత్తిడి వల్ల ఆత్మహత్యకు పాల్పడినట్టు తెలుస్తోందని కమిషనర్ వివరించారు. క్లూస్ టీం సంఘటనా స్థలానికి వెళ్లిందని, ఈస్ట్‌జోన్ డీసీపీ, ఇతర సిబ్బంది ఓయూలోనే ఉన్నారని పరిస్థితిని సమీక్షిస్తున్నారని అన్నారు. మురళి ఆత్మహత్య చేసుకుంటున్నట్టు సూసైడ్ నోట్‌లో పేర్కొన్నాడని, విద్యార్థి మృతిపై రాజకీయం చేయొద్దని శ్రీనివాసరావు సూచించారు.
చిత్రాలు....ఆత్మహత్యకు పాల్పడిన మురళి
*మురళి ఆత్మహత్య చేసుకున్న విషయం తెలిసిన వెంటనే మానేరు హాస్టల్‌కు చేరుకుని ఆందోళన చేస్తున్న విద్యార్థులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.