రాష్ట్రీయం
ఎవరి దారి వారిదే
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 3: ఆంధ్ర, తెలంగాణ రాష్ట్రాలు శ్రీశైలం, నాగార్జునసాగర్ జలాలను వచ్చే వేసవి వరకు పొదుపుగా ఉపయోగించుకోవాలన్న కేంద్ర జలవనరుల మంత్రిత్వ శాఖ సలహాను బేఖాతరు చేస్తున్నాయి. తెలంగాణ విద్యుత్ ఉత్పత్తి చేస్తోందంటూ ఆంధ్ర, పోతిరెడ్డి పాడు ద్వారా నీటిని మళ్లిస్తోందని ఆంధ్ర రాష్ట్రంపైన తెలంగాణ రాష్ట్రం పరస్పరం ఫిర్యాదులు చేసుకుంటున్నాయి. శ్రీశైలం ఎడమ గట్టు విద్యుత్ హౌస్ ద్వారా తెలంగాణ ప్రభుత్వం రోజుకు ఐదు ఎంయు జల విద్యుత్‌ను ఉత్పత్తి చేస్తున్నట్లు, అదే సమయంలో ఆంధ్రప్రభుత్వం పోతిరెడ్డి పాడు హెడ్ రెగ్యులేటర్ ద్వారా నీటిని మళ్లిస్తున్నట్లు సమాచారం. రెండు రాష్ట్రాలు తమ ఆదేశాలను పట్టించుకోకపోవడంపై కృష్ణాబోర్డు మరోసారి కేంద్రం దృష్టికి తీసుకెళ్లనుంది. గత వారమే కేంద్ర జలవనరుల మంత్రిత్వ శాఖ సంయుక్త కార్యదర్శి సంజయ్ కుందూ రెండు రాష్ట్రాలు ఈ ఏడాది నీటి వినియోగ ప్రణాళిక, నీటి లభ్యతను దృష్టిలో పెట్టుకుని మసులుకోవాలని, నీటిని దుబారా చేయరాదని సూచిస్తూ లేఖ రాశారు. ప్రస్తుతం శ్రీశైలం జలాశయంలో 157 టిఎంసి, నాగార్జునసాగర్‌లో 239 టిఎంసి నీటి లభ్యత ఉంది.
ఈ నీటిని వచ్చే వేసవి వరకు రెండు రాష్ట్రాలు మంచినీటి అవసరాలకు, ప్రస్తుత రబీ సీజన్‌కు వాడుకోవాల్సి ఉంటుంది. కాని రెండు రాష్ట్రాల మధ్య సమన్వయం లోపించడంతో ఎవరికి తోచినట్లు వారు నీటిని వాడుకోవడం వల్ల వచ్చే మార్చి నుంచి నాలుగైదు నెలల పాటు కృష్ణా నదిపై ఆధారపడిన జిల్లాల ప్రజలు మంచినీటికి కటకటలాడాల్సిన పరిస్ధితి తలెత్తుతుందని సాగునీటి నిపుణులంటున్నారు. కాగా శ్రీశైలం నుంచి దిగువకు వదిలిన నీటిలో 44 టిఎంసి నీరు తక్కువగా ఉందని, ఈ నీటిని ఆంధ్ర మళ్లించిందని కృష్ణాబోర్డుకు తెలంగాణ ఫిర్యాదు చేసిన విషయం విదితమే. 44 టిఎంసి నీటిపై సాగునీటి నిపుణులు ఆనంద్ కుమార్ ఆధ్వర్యంలో కృష్ణాబోర్డు కమిటీని ఏర్పాటు చేసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.