రాష్ట్రీయం
ధార్మిక కార్యక్రమాల్లో అదనపు లడ్డూ ధర పెంపు
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, డిసెంబర్ 3: తిరుమల తిరుపతి దేవస్థానం సహకారంతో హిందూ ధర్మప్రచార పరిషత్ ఆధ్వర్యంలో నిర్వహించే ధార్మిక కార్యక్రమాల్లో టీటీడీ సాధారణ ధరకు విక్రయిస్తున్న లడ్డూలు అదనంగా కావాలని నిర్వాహకులు భావిస్తే, అందుకు అదనంగా డబ్బులు చెల్లించాల్సి ఉంటుందని జేఈఓ శ్రీనివాసరాజు వెల్లడించారు. ఆదివారం విలేఖరులతో మాట్లాడుతూ టీటీడీ ఇతర ప్రాంతాల్లో నిర్వహిస్తున్న శ్రీనివాసం కల్యాణం వంటి ధార్మిక కార్యక్రమాలకు పెద్ద లడ్డూలను ఒక్కొక్కటి రూ. 100 చొప్పున 10 లడ్డూలు, చిన్న లడ్డూలు రూ.25 చొప్పున 200, వడలు రూ.25 చొప్పున 10, మినీ లడ్డూలు రూ.3.50 పైసలు చొప్పున వెయ్యి సరఫరా చేస్తున్నట్లు చెప్పారు. ఈ కార్యక్రమాలకు భక్తులు పెద్దఎత్తున తరలివస్తున్నారని, ఈనేపథ్యంలో కార్యక్రమ నిర్వాహకుల నుంచి అదనపు లడ్డూలు సరఫరా చేయాలని వినతులు అందుతున్నాయన్నారు. ఈక్రమంలో అదనపు లడ్డూల ధరలను పెంచాలని నిర్ణయించామన్నారు. ఇందులో భాగంగా పెద్ద లడ్డూ ధరను ఒకటి రూ. 200లకు, చిన్నలడ్డూ రూ.50కి, వడ రూ. 100గా, మినీ లడ్డూ రూ.7గా అదనంగా చెల్లించి తీసుకోవాల్సి ఉంటుందన్నారు. అయితే శ్రీవారి దర్శనార్థం తిరుమలకు వచ్చే భక్తులకు అసలు ధరకే లడ్డూలు విక్రయిస్తున్నట్లు ఆయన స్పష్టం చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.