రాష్ట్రీయం
నేనేంటో.. నాకు తెలుసు!
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, డిసెంబర్ 6: తన రాజకీయ భవిష్యత్‌పై నిన్న మొన్నటి వరకూ స్పష్టత లేని జనసేన అధినేత పవన్ కళ్యాణ్ ఇప్పుడు పొలిటికల్ ప్రయాణంపై స్పష్టత తీసుకున్నట్టు కనిపిస్తోంది. విశాఖలో బుధవారం జరిగిన పార్టీ కార్యకర్తల తొలి సమావేశంలో పవన్ విసిరిన పంచ్ డైలాగులు అన్ని రాజకీయ పార్టీలను ఒక్కసారిగా అయోమయంలో పడేశాయ. 2014 ఎన్నికల్లో బీజేపీ, టీడీపీలకు కాపుకాసిన పవన్ కళ్యాణ్, 2019 ఎన్నికల్లో ఆయన ఏ పార్టీకి వెన్నుదన్నుగా ఉంటారోనన్న అంశంపై రాజకీయ పార్టీల్లో చర్చోపచర్చలు సాగుతున్నాయి. వచ్చే ఎన్నికల్లో పవన్ కళ్యాణ్‌ను ట్రంప్ కార్డుగా వాడుకోవాలని టీడీపీ, బీజేపీలు ప్రయత్నిస్తున్నాయి. పవన్‌కు వ్యతిరేకంగా పల్లెత్తు మాట కూడా మాట్లాడొద్దని బీజేపీ అధిష్ఠానం పార్టీ శ్రేణులకు సూచించడం వలనే, మోదీపై పవన్ ప్రత్యక్ష, పరోక్ష విమర్శలు చేసినా ఆ పార్టీ నేతలు స్పందించలేదు. ఇక జగన్ దూకుడును తట్టుకోవాలంటే పవన్‌ను పవర్‌ఫుల్ వెపన్‌గా వాడుకోవాలని చంద్రబాబు ఆలోచిస్తున్నారు. అయితే, బుధవారం విశాఖ వేదికగా మాట్లాడిన పవన్ కళ్యాణ్, రెండు పార్టీలకు సమాన దూరాన్ని పాటిస్తానే తప్ప మద్దతిచ్చేది లేదని కుండ బద్దలు కొట్టేశారు. అలాగే, వైసీపీకి ఎట్టి పరిస్థితుల్లోనూ మద్దతు ఇవ్వనని తేల్చి చెప్పేశారు.
రాజకీయంగా ఎదగాలంటే అనుభవం కలిగిన రాజకీయ పార్టీల సహకారం కొంతవరకూ తీసుకోవాలని, దాని ఆసరాగా ఎదగాలని పవన్ తన ప్రసంగంలో పేర్కొనడం వెనుక ఆయన దూరాలోచనను అర్థం చేసుకోవచ్చు. 2014 నుంచి ఇప్పటి వరకూ బీజేపీ, టీడీపీల నుంచి రాజకీయ పాఠాలు నేర్చుకుని, ఇప్పుడు తన స్కూలు తనే నడుపుకోవాలని ప్రయత్నిస్తున్నట్టు కనిపిస్తోంది. అంటే 2019 ఎన్నికల్లో పవన్ కళ్యాణ్ ఒంటరిగా ఎన్నికల బరిలోకి దిగే అవకాశాలు ఎక్కువగా ఉన్నాయని విశే్లషకులు భావిస్తున్నారు.
2019లో ఎవరెవరిని ఏయే విధంగా ఎదుర్కోవాలో తనకు తెలుసని పవన్ ప్రకటించడాన్ని విశే్లషిస్తే, తన రాజకీయ ప్రత్యర్థులను ఇప్పటికే ఖరారు చేసుకున్నట్టు అర్థమవుతోంది. 2014 ఎన్నికలకు ముందు దేశంలో, రాష్ట్రంలో రాజకీయ ప్రక్షాళన చేయగలరన్న నమ్మకంతో బీజేపీ, టీడీపీలకు మద్దతు ఇవ్వాల్సి వచ్చింది. నాలుగేళ్లుగా ఈ రెండు పార్టీలు ఏదో అద్భుతాన్ని చేస్తాయని వేచి చూసినా ఫలితం లేదని తేలిపోయిందని పవన్ ప్రకటించడం చూస్తే, ఈ రెండు పార్టీలపై ఆయన విశ్వాసం కోల్పోయినట్టు అర్థమవుతోంది. రాష్ట్రంలో అవినీతి గురించి మాట్లాడినప్పుడు జగన్‌ను ఎండగడుతూనే, పోలవరం ప్రాజెక్ట్ నిర్మాణంలో కూడా అవినీతి జరిగిందని పవన్ పేర్కొనడం గమనార్హం.
ఇక ప్రజారాజ్యం పార్టీకి జరిగిన ద్రోహాన్ని పవన్ జీర్ణించుకోలేకపోతున్నారు. పీఆర్పీ ఓటమి బాధ ఆయన గుండెల్లో గూడుకట్టుకుపోయినట్టు అర్థమవుతోంది. పీఆర్పీలో జరిగిన పొరపాట్లు పునరావృతం కాకుండా చూసుకుంటానని చెప్పుకొచ్చారు. రాజకీయాల్లో కొత్త రక్తం నింపేందుకు జనసేన పార్టీని స్థాపించానని చెబుతూ, ప్రజలకు పార్టీ కార్యకర్తలు వెన్నుదన్నుగా నిలబడాలని దిశానిర్దేశం చేశారు. ప్రస్తుతం ఉన్న సినిమాలు పూర్తి చేసి, పూర్తి కాలాన్ని పార్టీ కోసం వెచ్చిస్తానని పవన్ స్పష్టం చేయడంతో పార్టీ కార్యకర్తలు, అభిమానుల్లో కొంత ఉత్సాహం... అంతే నిరుత్సాహం కనిపించింది. పవన్ కళ్యాణ్ కూడా పాదయాత్ర చేయాలని భావిస్తున్నారన్న వార్తలు ఉన్నాయి. అందుకు ఏర్పాట్లు కూడా జరుగుతున్నాయని పార్టీ వర్గాలు చెబుతున్నాయ. పాదయాత్రపై అభిమానులు మాట్లాడినప్పుడు ‘సీఎం కావాలని కొంతమంది పాదయాత్ర చేస్తున్నారు. సీఎం కావాలని నాకు లేదు కాబట్టి, పాదయాత్ర చేయను’ అని స్పష్టం చేశారు. జనవరి నుంచి ప్రతి ఒక్క కార్యకర్తను వ్యక్తిగతంగా కలుసుకునేందుకు పవన్ కళ్యాణ్ ప్రణాళిక సిద్ధం చేసుకుంటున్నారు. తరువాత పార్లమెంట్ స్థాయా కమిటీలతో పార్టీ నిర్మాణ ప్రక్రియకు శ్రీకారం చుట్టనున్నారు. అంటే, 2019 ఎన్నికల్లో ఒంటరి పోరాటానికే పవన్ పునాదులు వేస్తున్నట్టు చెప్పవచ్చు.
‘పవర్’ పంచ్‌లు
* చంద్రబాబు నన్ను వాడుకుని వదిలేస్తాడని నాకు తెలియదా?
* కొన్ని రాజకీయ పార్టీలు భవిష్యత్‌లో నన్ను దెబ్బతీస్తాయని తెలుసు. పీఆర్పీలో స్వపక్షీయులు కొట్టిన దెబ్బను తట్టుకున్న వాడిని. బయట వారు నన్ను చంపేయడానికి కూడా వెనకాడరని నాకు తెలుసు.
* రాష్ట్ర విభజన విషయంలో బీజేపీ తప్పు చేసింది. అయితే, అందరితో ఒకేసారి శత్రుత్వం దేనికని ఆలోచిస్తున్నా.
* నన్ను ఇప్పటి నుంచే సీఎం చేయకండి. అందరూ చేసిన రొటీన్ నినాదాలు జనసేన చేయదని అనుకుంటున్నాను.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.