రాష్ట్రీయం
బహుమతులకు 14వ్యాసాల ఎంపిక
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 7: ప్రపంచ తెలుగు మహాసభల సందర్భంగా నిర్వహించిన రాష్టస్థ్రాయి పరిశోధనా వ్యాసరచన పోటీల ఫలితాలను ప్రకటించారు. ఈ పోటీల కోసం వ్యాసాలను ఆహ్వానించి, నవంబర్ 30 తేదీలోగా వ్యాసాలను పంపించాలంటూ గడువుగా నిర్ణయించారు. గడువులోగా 130 పరిశోధనా వ్యాసాలు రాగా, వీటిని ఉన్నతస్థాయి కమిటీ పరిశీలించింది. ఉస్మానియా విశ్వవిద్యాలయానికి చెందిన ఆచార్య వెల్దండ నిత్యానందరావు, తెలుగువిశ్వవిద్యాలయానికి చెందిన డాక్టర్ గుమ్నన్నగారి బాల శ్రీనివాసమూర్తి, ఉస్మానియా విశ్వవిద్యాలయం మహిళా కళాశాలకు చెందిన డాక్టర్ ఎస్. రఘులతో కమిటీని ఏర్పాటు చేశారు. ఈ కమిటీ నిర్ణయానికి ప్రపంచ తెలుగు మహాసభల కోర్ కమిటీ ఆమోదం లభించింది. ఉత్తమంగా ఎంపికైన వ్యాసరచయితలకు బహుమతులు ఇవ్వాలని ప్రపంచ తెలుగు మహాసభల కోర్ కమిటీ సభ్యులు గురువారం సమావేశమై తీర్మానించారు. ప్రథమ బహుమతి వరంగల్‌కు చెందిన బాసని సురేష్‌కు, ద్వితీయ బహుమతి కరీంనగర్‌కు చెందిన విఎల్ రాఘవరావుకు, తృతీయ బహుమతి మహబూబ్‌నగర్‌కు చెందిన బడుగుల వనితకు లభించాయి. ప్రోత్సాహక బహుమతులకు సూర్యాపేటకు చెందిన కొల్లు మధుసూదనరావు, కరీంనగర్‌కు చెందిన డాక్టర్ మలయశ్రీ, ఖమ్మంకు చెందిన డాక్టర్ నూనావత్ రాంబాబు, పగిడిపల్లి రాజారావు, హైదరాబాద్‌కు చెందిన డాక్టర్ ఆచార్య ఫణీంద్ర, డాక్టర్ ఎస్. విజయభాస్కర్, నల్లగొండకు చెందిన నర్రా ప్రవీణ్‌రెడ్డి, సిద్ధిపేటకు చెందిన నక్క హరికృష్ణ, దాసరి శాంతకుమారి, వరంగల్‌కు చెందిన ఓరుగంటి ఎల్లయ్య ఎంపికయ్యారు. ప్రత్యేక ప్రోత్సాహక బహుమతికి నిజామాబాద్‌కు చెందిన కె. రసజ్ఞ ఎంపికయ్యారు. ప్రపంచ తెలుగు మహాసభల సందర్భంగా వీరికి బహుమతులు అందిస్తారు. ఈ వ్యాసాలతో ఒక పుస్తకాన్ని కూడా ప్రచురించాలని కోర్ కమిటీ నిర్ణయించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.