రాష్ట్రీయం
పవన్‌పై విమర్శలొద్దు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, డిసెంబర్ 8: రాష్ట్రంలో పర్యటిస్తున్న జనసేన అధినేత, సీనీనటుడు పవన్ కళ్యాణ్‌కు వ్యతిరేకంగా ఎవరూ మాట్లాడవద్దని తెలుగుదేశం నేతలను సీఎం చంద్రబాబు ఆదేశించారు. రాజకీయ ప్రయోజనాల కోసం ప్రధాన ప్రతిపక్షం పోలవరంపై అవాస్తవాలు, అబద్ధాలు, అభూతకల్పనలు ప్రచారం చేస్తోందన్నారు. ప్రాజెక్టుపై అభూతకల్పనలు ప్రచారం చేస్తే సహేతుకంగా, నిజాయితీగా సమాధానం చెప్పాలని పోలవరం ప్రాజెక్టుపై విశాఖపట్నం నుంచి శుక్రవారం ఉదయం నిర్వహించిన టెలీకాన్ఫరెన్స్‌లో మంత్రులు, ఎమ్మెల్యేలకు సూచించారు. ఈ సందర్భంగా సీఎం మాట్లాడుతూ రాష్ట్ర ప్రభుత్వ పనితీరును పవన్ సానుకూలంగా అర్థం చేసుకుంటున్నారన్నారు. కొన్ని సందర్భాల్లో విమర్శిస్తున్నా, సంయమనం పాటించాలని సూచించారు. పవన్‌పై వైకాపా చేస్తున్న విమర్శలను వాళ్లే చూసుకుంటాని, మనకెందుకు అంటూ వ్యాఖ్యానించారు. పట్టిసీమను అడ్డుకోవడానికి ప్రతిపక్ష పార్టీ
చేయని ప్రయత్నం లేదు.. అయినా అన్ని సమస్యలు అధిగమించి రైతుల మన్ననలు, ఆశీర్వాదాలు పొందగలిగామన్నారు. పోలవరం పూర్తయితే ప్రతిపక్ష వైకాపా మనుగడ ప్రశ్నార్థకమవుతుందని, అందుకే అవాస్తవాలు, అబద్ధాలను ఆ పార్టీ ప్రచారం చేస్తోందన్నారు. ఎన్ని అడ్డంకులు వచ్చినా పోలవరం ప్రాజెక్టు పూర్తిచేసి తీరతామని పునరుద్ఘాటించారు. పోలవరం ప్రాజెక్టు పూర్తి చేయడానికి విరాళాలు ఇస్తామని, తాము కూడా వచ్చి కూలి పని చేస్తామని సందేశాలు పంపుతున్న రైతన్నలకు మనస్ఫూర్తిగా కృతజ్ఞతలు తెలుపుతున్నామన్నారు. రైతన్నల స్ఫూర్తి, ప్రోత్సాహమే ప్రభుత్వ బలమని, పోలవరం పూర్తిచేయడంలో వెనుకంజ వేసే ప్రసక్తే లేదన్నారు. పోలవరం ప్రాజెక్టు పూర్తి చేయడానికి రాష్ట్ర విభజన తర్వాత అత్యంత ప్రాధాన్యతనిచ్చి కొన్ని మండలాలను రాష్ట్రంలో కలిపేలా కేంద్రంపై ఒత్తిడి తీసుకురావడంలో ప్రభుత్వం విజయం సాధించిందన్నారు. రాష్ట్రానికి జీవనాడి, ప్రాణనాడి అయిన పోలవరం పనులు త్వరితగతిన పూర్తిచేయడానికి అధికార యంత్రాంగాన్ని పరుగులు పెట్టిస్తున్నామన్నారు. పోలవరం ప్రాజెక్టుకు సంబంధించి కేంద్రం అడిగిన సమాచారమంతా ఇప్పటికే అందజేశామని, మళ్లీ అడిగినా ఇస్తామని సీఎం స్పష్టం చేశారు. ఇటీవల జరిగిన అసెంబ్లీ సమావేశాల్లో కూడా పోలవరం ప్రాజెక్టుకు సంబంధించిన పూర్తి సమాచారాన్ని సభ ముందు ఉంచామన్నారు. పోలవరం ప్రాజెక్టును నిర్దిష్ట సమయానికి పూర్తిచేసి రాష్ట్ర అభివృద్ధి, రైతుల హితం, నీటి భద్రతను కాపాడటమే ప్రభుత్వ లక్ష్యమన్నారు. పోలవరంపై అసెంబ్లీ ముందు ఉంచిన వివరణ శే్వతపత్రం కన్నా ఎక్కువని సీఎం తెలిపారు. ప్రాజెక్టు పూర్తికావడమే మాకు ముఖ్యం.. రాష్ట్రాన్ని సస్యశ్యామలం చేసే ప్రయత్నంలో ఎవరు సహకరించినా సంతోషంగా స్వీకరిస్తామని తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.