రాష్ట్రీయం
వచ్చేవి.. కరెంట్ కార్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: దేశంలో పర్యావరణ అనుకూల విద్యుత్ వాహనాలు రాబోతున్నాయని, దీనికి తగ్గట్టుగా విద్యుత్ సంస్థలు సంస్థాగతంగా సంసిద్ధం కావాలని దక్షిణాది విద్యుత్ సంస్థల సంఘం అధ్యక్షుడు, తెలంగాణ జెన్కో సిఎండి దేవులపల్లి ప్రభాకరరావు అన్నారు. పాండిచ్చేరిలో 33వ దక్షిణాది విద్యుత్ సంస్థల సదస్సును ఆయన శనివారం ప్రారంభించారు. ఈసందర్భంగా మాట్లాడుతూ కాలుష్యాన్ని బాగా తగ్గించడానికి పర్యావరణ అనుకూల వాహనాల వాడకం ప్రపంచ వ్యాప్తంగా పెరిగిందన్నారు. 2030 నాటికి ప్రజా రవాణా వ్యవస్థలో నూటికి నూరు శాతం, వ్యక్తిగత వాహనాల్లో 40 శాతం విద్యుత్ వాసనాల వినియోగం ఉండాలనే లక్ష్యం పెట్టుకున్నట్లు చెప్పారు. పెట్రోలు పంపుల మాదిరిగానే వాహనాలకు విద్యుత్ చార్జింగ్ స్టేషన్లు వస్తాయన్నారు. చార్జింగ్ స్టేషన్లకు అవసరమైన విద్యుత్‌ను అందించేందుకు ఏర్పాట్లు చేయాలన్నారు. ఆయా రాష్ట్రాల విద్యుత్ రెగ్యులేటరీ కమిషన్లతో సంప్రదించి విద్యుత్ వాహనాలకు చార్జింగ్ చేసే ఏజన్సీలను గుర్తించాలన్నారు. వీటికి ప్రత్యేక టారిఫ్ నిర్ణయించాలన్నారు. విద్యుత్ ఉత్పత్తికి బొగ్గునిల్వలు చాలినంత లేవనే విషయాన్ని కేంద్ర విద్యుత్ సంస్థలకు తెలిపామన్నారు. కోల్‌కంపెనీలతో కూడా చర్చిస్తున్నామన్నారు. గ్రిడ్ ఆపరేషన్లను విఘాత పరిచే విధంగా సైబర్ నేరాలు జరుగుతున్నాయని, వీటిపై అప్రమత్తంగా ఉండాలన్నారు. కీలకమైన విభాగాలు, పరికరాలు నిర్వహణ విషయంలో జాగ్రత్తగా ఉండాలన్నారు. గ్రిడ్ ఆపరేషన్‌లో క్రమశిక్షణ పాటించడంలో దక్షిణాది రాష్ట్రాలు మంచి ఫలితాలు సాధించాయన్నారు.
తెలంగాణలో వ్యవసాయానికి 24 గంటల విద్యుత్ సరఫరా చేయడంపై సమావేశంలో అన్ని రాష్ట్రాల అధికారులు ప్రశంసించారు. నైవేలి లిగ్నైట్ కార్పొరేషనన్ డైరెక్టర్ తంగ పాండ్యన్ తన ప్రారంభోపన్యాసంలో ఈ విషయాన్ని ప్రస్తావించారు. పలు రాష్ట్రాల నుంచి వచ్చిన ప్రతినిధులు తెలంగాణ ప్రభుత్వం రైతులకు 24 గంటల విద్యుత్ ఇవ్వడానికి అనుసరించిన పద్ధతిని అడిగి తెలుసుకున్నారు. ఈ సందర్భంగా దేవులపల్లి ప్రభాకరరావు మాట్లాడుతూ 23 లక్షల వ్యవసాయ పంపుసెట్లకు 24 గంటల పాటు విద్యుత్ అవాంతరాలు లేకుండా ఇచ్చేందుకు 12వేల కోట్లతో పంపిణీ వ్యవస్థను పటిష్టం చేశామన్నారు. భవిష్యత్తులో ఎత్తిపోతల పథకాలకు 11వేల మెగావాట్ల విద్యుత్ సరఫరా చేస్తామన్నారు. ప్రస్తుతం తెలంగాణలో 3200 మెగావాట్ల సోలార్ విద్యుత్ ఉత్పత్తి సామర్థ్యం ఉందన్నారు. తమ రాష్ట్రంలో 28 వేల మెగావాట్ల విద్యుత్ ఉత్పత్తి లక్ష్యంగా కొత్త విద్యుత్ ఉత్పత్తి కేంద్రాలు నిర్మిస్తున్నట్లు చెప్పరు. సమావేశంలో ఎస్‌ఆర్‌పిపి మెంబర్ సెక్రటరీ ఎస్‌ఆర్ భట్, ఏపి,కర్నాటక, తమిళనాడు, పాండిచ్ఛేరి విద్యుత్ సంస్థల ఎండీలు, విద్యుత్ నిపుణులు పాల్గొన్నారు.
చిత్రం..సమావేశంలో మాట్లాడుతున్న ప్రభాకరరావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.