రాష్ట్రీయం
ఆంధ్రలో స్మార్ట్ క్లాస్‌రూమ్‌లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: వచ్చే విద్యా సంవత్సరం నుండి పాఠశాల విద్యలో సమూల సంస్కరణలు ప్రవేశపెట్టేందుకు ప్రభుత్వం సంకల్పించింది. సాంకేతికత జోడించి ఆధునిక బోధనా పద్ధతులతో నూతన విద్యా విధానం తీసుకొచ్చేందుకు ప్రయత్నిస్తున్నట్టు సిఎం చంద్రబాబు తనను కలిసిన డెల్ ప్రతినిధులకు వివరించారు. రాష్ట్రంలోని పాఠశాలల్లో ప్రమాణాలు పెంచే అంశంపై డెల్ ప్రతినిధులు సిఎంకు పవర్ పాయింట్ ప్రజెంటేషన్ ఇచ్చారు. వచ్చే నాలుగైదేళ్లలో విద్యా వ్యవస్థను మరింత మెరుగుపర్చేందుకు, దేశంలోని మొదటి మూడు రాష్ట్రాల్లో ఏపీని ఒకటిగా నిలిపేందుకు ప్రణాళికలు సిద్ధంగా ఉన్నాయని డెల్ ప్రతినిధులు వివరించారు. మిగతా రాష్ట్రాలతో పోలిస్తే రాష్ట్రంలో విద్యారంగం మెరుగ్గాఉందని, అయితే అంతర్జాతీయ ప్రమాణాలతో కూడిన విద్యను పరిచయం చేసి ఏపీని చదువుల కేంద్రంగా మార్చేందుకు దోహదపడతామని డెల్ ప్రతినిధులు వివరించారు. ముఖ్యంగా రాష్ట్రంలో డ్రాపవుట్లను తగ్గించాల్సి ఉందని, కొన్నిచోట్ల విద్యార్థుల సంఖ్యకు తగ్గట్టుగా టీచర్లను పెంచాల్సి ఉందన్నారు. ఇప్పటికే తాము బ్రెజిల్, పాకిస్తాన్ వంటి దేశాల్లో పాఠశాల స్థాయిలో విద్యాప్రమాణాలు పెంచేందుకు కృషి చేస్తున్నట్టు సిఎంకు వివరించారు. హర్యానాలో రెండేళ్లుగా పనిచేస్తూ మంచి ఫలితాలను రాబట్టినట్టు చెప్పారు. రాష్ట్రంలో ఉన్న 61వేల పాఠశాలల్లో చదువులో బాగా వెనుకబడిన వారిని అత్యుత్తమ విద్యార్థులుగా తీర్చిదిద్దినపుడే నిజమైన ఫలితాలు సాధించగలుగుతామని సిఎం అన్నారు. ఉత్తమమైన ఆలోచనలను సమర్ధవంతంగా అమలుచేయాల్సి ఉంటుందని చెప్పారు. పాఠ్యాంశాలు, వసతులు, నిధులకు లోటులేదని, కావల్సిందల్లా వ్యవస్థను సమర్ధంగా నడిపించే చోదకశక్తి మాత్రమేనని సిఎం అన్నారు. ప్రతి టీచర్, ప్రతి విద్యార్ధి గురించి తెలుసుకునేలా సాంకేతిక పద్ధతులను ప్రవేశపెట్టాలని డెల్ ప్రతినిధులను కోరారు. రాష్ట్రంలో 72 లక్షల మంది విద్యార్థులు ఉన్నారని, వీరందరికీ ఉపకరించేలా వచ్చే విద్యా సంవత్సరం నుండి నూతన విధానాన్ని అమలుచేసే బాధ్యతను స్వీకరించాలని డెల్ ప్రతినిధి బృందానికి సిఎం సూచించారు. తగిన ప్రణాళికలతో వస్తే పూర్తిస్థాయిలో బాధ్యతలను అప్పగించడానికి సిద్ధంగా ఉన్నామన్నారు. సిఎం ప్రతిపాదనల మేరకు రాష్ట్ర ప్రభుత్వంతో కలిసి పని చేసేందుకు డెల్ ప్రతినిధులు ఆసక్తి చూపించారు. జూన్‌నాటికి అన్నీ సంసిద్ధం చేస్తామని సిఎంకు వివరించారు. సమావేశంలో డెల్, మెకన్సీ సంస్థల ప్రతినిధుతలో పాటు రాష్ట్ర సలహాదారు పరకాల ప్రభాకర్, పాఠశాల విద్యాశాఖ కమిషనర్ సంథ్యారాణి, సిఎం సంయుక్త కార్యదర్శి ప్రద్యుమ్న పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.