రాష్ట్రీయం
నేటి నుంచి నర్సాపూర్-విశాఖ సింహాద్రి ఎక్స్‌ప్రెస్ రద్దు
S ,7 à 8 RSCA (si SASPAS) et 6 cialis pharmacie cialis rapports de stage.
భీమవరం, మార్చి 19: నరసాపూర్-విశాఖపట్నం (నెం.17241, 17242) సింహాద్రి ఎక్స్‌ప్రెస్ రైలును మంగళవారం నుంచి రద్దుచేస్తూ రైల్వేశాఖ నిర్ణయం తీసుకుంది. నరసాపూర్ నుండి ప్రతి రోజూ ఉదయం ఆరు బోగీలతో బయలుదేరే ఈ ఎక్స్‌ప్రెస్ రైలును లింకు ఎక్స్‌ప్రెస్‌గా గత కొన్ని దశాబ్దాలుగా నడుపుతున్నారు. ఈ రైలు నిడదవోలు చేరుకున్నాక, గుంటూరు నుండి విశాఖపట్నం వెళ్లే సింహాద్రి ఎక్స్‌ప్రెస్‌కు ఈ ఆరు బోగీలను కలిపేశారు. అలాగే తిరుగు ప్రయాణంలో విశాఖపట్నం నుండి గుంటూరుకు ఉదయం బయలుదేరే సింహాద్రి ఎక్స్‌ప్రెస్ నిడదవోలు చేరుకున్నాక అందులోనుండి నరసాపురం వైపు వెళ్లే ఆరు బోగీలను వేరుచేసేవారు. ఆ ఆరు బోగీలను ఒక డీజిల్ ఇంజిన్‌కు కలిపి నరసాపురం పంపించేవారు.
చాలా ఏళ్లుగా నడుపుతున్న ఈ రైలు పశ్చిమ గోదావరి జిల్లాలోని నరసాపురం, పాలకొల్లు, భీమవరం, ఉండి, ఆచంట, తణుకు తదితర నియోజకవర్గాలతోపాటు తూర్పు గోదావరి జిల్లా రాజోలు, సఖినేటిపల్లి తదితర ప్రాంతాలకు చెందిన ప్రయాణీకులకు ఎంతో సౌకర్యంగా ఉండేది. వేలాదిమంది ప్రయాణీకులతో నిత్యం రద్దీగా ఈ రైలు నడుస్తోంది. ఇటీవల రైల్వే ఉన్నతాధికారులు ఈ ప్రాంతాల్లో పరిశీలన అనంతరం ఈ రైలును రద్దుచేయాలని నిర్ణయించినట్టు సమాచారం.
కాగా రద్దుచేసిన నరసాపూర్-విశాఖ సింహాద్రి ఎక్స్‌ప్రెస్ స్థానంలో ఒక డిఎంఎ పాసింజర్ రైలును రైల్వే శాఖ నడపనున్నట్టు సమాచారం. అంటే విశాఖపట్నం వెళ్లాల్సిన ప్రయాణీకులు నిడదవోలు వరకు ఈ పాసింజర్ రైలులో వెళ్లి, నిదడవోలులో గుంటూరు నుండి వచ్చే సింహాద్రి ఎక్స్‌ప్రెస్ రైలు ఎక్కాల్సివుంటుంది. ఈ నిర్ణయంపై ప్రయాణీకుల నుండి తీవ్ర వ్యతిరేకత వ్యక్తమవుతోంది. ఈ ప్రాంత ప్రజాప్రతినిధులు ఈ విషయంపై జోక్యం చేసుకుని, సింహాద్రి ఎక్స్‌ప్రెస్ యథావిథిగా నడిపేలా చూడాలని ప్రజలు కోరుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.