తెలంగాణ
కేసీఆర్‌ను కలవాలని 70 రోజులు ఎదురుచూశా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 15: టీఆర్‌ఎస్ అధినేత కేసీఆర్‌ను కలిసి తన గురించి చెప్పాలని 70 రోజులు ఎదురుచూసినా ఫలితం లేకపోయిందని, అపాయింట్‌మెంట్ ఇవ్వలేదని చొప్పదండి మాజీ ఎమ్మెల్యే బొడిగ శోభ పేర్కొన్నారు. రాజకీయంగా తనను సమాధి చేయడం కోసమే తనకు అపాయింట్ ఇవ్వలేదని ఆమె చెప్పారు. గురువారం నాడు ఆమె బీజేపీ రాష్ట్ర అధ్యక్షుడు డాక్టర్ కే లక్ష్మణ్, జీ కిషన్‌రెడ్డి, బండారు దత్తాత్రేయల సమక్షంలో బీజేపీ తీర్ధం తీసుకున్నారు. ఈ సందర్భంగా జరిగిన కార్యక్రమంలో ఆమె మాట్లాడుతూ తెలంగాణ ఉద్యమం జలదృశ్యం మొదలు ఇంత వరకూ ఫుల్‌టైమ్ వర్కర్‌గా తాను టీఆర్‌ఎస్‌కు పనిచేశానని పేర్కొన్నారు. కవిత, కేటీఆర్, వినోద్ కుమార్, కేకేలను తాను కలిసినా ఫలితం లేకపోయిందని, ఉద్యమ కారిణిగా తాను ప్రగతి భవన్‌లో అడుగుపెట్టలేకపోయానని చెప్పారు. పార్టీ రాజ్యసభ సభ్యుడు ఒకరు తనకు అడ్డుపడ్డారని, ఆయన వల్లనే తాను టిక్కెట్ పొందలేకపోయానని చెప్పారు. తెలంగాణ ఉద్యమంలో కేసీఆర్‌ను అరెస్టు చేసి, కారం పోడి పట్టుకున్న బిడ్డను తానని, 90 శాతం పనిచేసిందని రిపోర్టు వచ్చిందని, అయినా ఎందుకు టిక్కెట్ ఇవ్వలేదో తెలియడం లేదని వాపోయారు. ప్రజల తీర్పు , రిపోర్టు ప్రకారమే టిక్కెట్లు ఇస్తే తనకు ఇవ్వాలని, ఆ మాట ఏమైందని ప్రశ్నించారు. 119 మందిలో తాను దళిత బిడ్డనని, మాదిగ బిడ్డనని తనకు అన్యాయం చేశారని పేర్కొన్నారు. రవీందర్ రావు, కేసీఆర్ సడ్డకుడు తనకు టిక్కెట్ రాకుండా ఆపారని ఆరోపించారు. 119 అసెంబ్లీల్లో మాదిగలు అంతా టీఆర్‌ఎస్‌ను వ్యతిరేకించాలని ఆమె పిలుపునిచ్చారు. సీఎం చుట్టూ తిరిగే వాళ్లు తమ నాయకులకు ఫోన్ చేసి బెదిరిస్తున్నారని, చొప్పదండిలో తాను బీజేపీ అభ్యర్థిగా పోటీ చేసి గెలుస్తానని చెప్పారు.
తెలంగాణలో కవిత ఒక్కరే ఆడబిడ్డనా తాను కాదా అని నిలదీశారు. అంబేద్కర్ ఇచ్చిన రిజర్వేషన్‌లో కూడా కొంత మంది నేతల పెత్తనమే నడవలా అని ప్రశ్నించారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.