రాష్ట్రీయం
ఖమ్మం సభతో పెరగనున్న ధీమా
S ,7 à 8 RSCA (si SASPAS) et 6 cialis pharmacie cialis rapports de stage.
ఎన్నికల భూమి
===========
ఖమ్మం, నవంబర్ 16: నామినేషన్ల పర్వం పూర్తికాగానే టీఆర్‌ఎస్ తొలి బహిరంగ సభ ఖమ్మం నగరంలో జరగనున్నది. ఈ నెల 19వ తేదీన జరగనున్న ఈ సభకు టీఆర్‌ఎస్ అధినేత కేసీఆర్‌తో పాటు ఆ పార్టీ ప్రధాన నేతలు పాల్గొననున్నారు. ఈ సభకు భారీగా జనసమీకరణ చేయాలని, ఈ సభ ద్వారానే రాష్ట్రంలో టీఆర్‌ఎస్ గెలుస్తుందనే ధీమాను పార్టీ శ్రేణులకు కల్పించాలని నిర్ణయించిన పార్టీ నాయకత్వం అందుకు అనుగుణంగా ఏర్పాట్లు చేస్తున్నది. ఆపద్ధర్మ మంత్రి, పాలేరు టీఆర్‌ఎస్ అభ్యర్థి తుమ్మల నాగేశ్వరరావు, ఖమ్మం ఎంపీ పొంగులేటి శ్రీనివాస్‌రెడ్డి, ఖమ్మం అభ్యర్థి పువ్వాడ అజయ్‌కుమార్ ఈ మేరకు ఏర్పాట్లను పర్యవేక్షిస్తున్నారు. రెండులక్షల మందికి పైగా పట్టే ప్రభుత్వ డిగ్రీ కళాశాల మైదానంలో ఏర్పాట్లను చేస్తున్నారు. రెండు నియోజకవర్గాల పరిధిలోని అన్ని గ్రామాల నుంచి ప్రజలు ఈ సభకు వచ్చేలా ఏర్పాట్లు చేస్తున్నారు. ఈ సందర్భంగా శుక్రవారం ఏర్పాట్లను పరిశీలించిన అనంతరం తుమ్మల, అజయ్ విలేఖరులతో మాట్లాడుతూ నాడు తెలంగాణ ఉద్యమం ఖమ్మం నుంచే ప్రారంభమైందని, నామినేషన్ల ఘట్టం పూర్తయిన తరువాత జరిగే సభ ఖమ్మం నుంచే ప్రారంభమవుతుందని, ఈ సభకు వచ్చే వారంతా టీఆర్‌ఎస్‌కు ఓటు వేస్తారని ధీమా వ్యక్తం చేశారు. ఖమ్మం, పాలేరు నియోజకవర్గాల్లోని ప్రతి గ్రామం నుంచి అధిక సంఖ్యలో ప్రజలు స్వచ్చందంగా సభకు వచ్చేందుకు సన్నద్ధమవుతున్నారన్నారు. నాలుగున్నరేళ్ళ పాటు అప్పుడప్పుడు వచ్చిపోయే వారు ఇప్పుడు కూటమి అభ్యర్థులుగా వచ్చి ఆరోపణలు చేస్తున్నారని దుయ్యబట్టారు. ప్రపంచబ్యాంకు కూడా బ్లాక్‌లిస్టులో పెట్టిన కంపెనీకి అధినేతగా ఉండి రాష్ట్రంలో జరిగిన అభివృద్ధిని స్వయంగా చూస్తూ కూడా విమర్శలు చేయడం బాధకలిగిస్తున్నదన్నారు. దేశానికే ఆదర్శంగా నిలిచిన కేసిఆర్ రెండేళ్ళ తరువాత ఖమ్మంకు వస్తున్నారని, దీనిని విజయవంతం చేసి ఆ సభ స్పూర్తితో ప్రచారాన్ని మరింత ముమ్మరం చేస్తామన్నారు. మహాకూటమి నేతలు చేస్తున్న విమర్శలకు ప్రజలే జవాబిస్తారని, ఇప్పటికకే పలుచోట్ల వారిని ప్రశ్నిస్తున్నారని వెల్లడించారు. కూటమి పార్టీలలోని నేతలు కూడా అభివృద్ధి జరిగిందని చెబుతుంటే అభ్యర్థులు మాత్రం ఆ రోడ్లపై తిరుగుతూనే ఏమి లేదని చెప్పడం దారుణమన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.