సబ్ ఫీచర్
శ్రీ పరమహంస బోధామృతము
S ,7 à 8 RSCA (si SASPAS) et 6 cialis pharmacie cialis rapports de stage.
గడ్డిలోను ప్రాణముండుటవలన నాతడు పచ్చిగానుండు గడ్డినైనను దినసహింపక, యెండి నిర్జీవమైయున్న గడ్డిని మాత్రమే తిని ప్రాణముల నిలుపుకొనుచుండెను- ఐనను ఖడ్గ్ధారియై యున్నాడే! ఈ వైపరీత్యముగాంచి, యర్జునుడు వింతపడి, శ్రీకృష్ణునితో నిట్లు పలికెను: ‘‘ఇదేమి వింత! తుదకు గడ్డిపోచకైనను హింసచేయనొల్లని యహింసావ్రతుడైన రుూతడు మృత్యుచిహ్నమును ద్వేష నిలయమునగు ఖడ్గమును ధరించి యున్నాడు!’’ ‘‘ఆతని నీవే యడిగి తెలిసికొనుము’’అని భగవానుడు పలికెను. అర్జునుడంతట బ్రాహ్మణుని సమీపించి, ‘‘స్వామీ! నీవేజీవిని హింసింపబోవు. ఎండు గడ్డిని దిని ప్రాణము నిలుపుకొనుచున్నావు! అట్టి నీ వీకఱకు కత్తిని బూనియుంటివేల?’’ అని యడిగినాడు.
బ్రాహ్మణుడు: నాకంటబడిరేని నలుగురిని శిక్షింపనెంచి దీనిని బూనియున్నాను.
అర్జునుడు: వారెవరెవరు?
బ్రాహ్మ: మొదటివాడానీచుడు నారదుడు.
అర్జు.: ఏల? ఆయన యేమిచేసెను?
బ్రాహ్మ: ఏమిచేసెనా? వాని దుండగము చూడు. సదా తన కీర్తనలతో, సంగీతముతో, నా స్వామికి నిద్రలేకుండ చేయుచుండును. స్వామి సుఖమును లేశమైనను గమనింపనక్కఱలేదా? రాత్రి యనక, పగలనక, సర్వకాల సర్వావస్థలయందును స్తోత్రములను ప్రార్థనలను జేయుచు స్వామికేమియు దోపనీయడు.
అర్జు.: రెండవ వారెవరు?
బ్రాహ్మ.: ఆ తెలివితక్కువ ద్రౌపది.
అర్జు.: ఆమె నేరమేమి?
బ్రాహ్మ.: దాని యవివేకమును సాహసమునుజూడు! నా స్వామి సరిగా భోజనమునకు గూర్చుండువేళ బొబ్బలిడసాగినది. నా స్వామి తినబోవుచున్న యన్నమును విడిచి, వడివడిగా కామ్యక వనమునకు బరుగెత్తి, దుర్వాసుని శాపమునుండి పాండవులను రక్షింపవలసి వచ్చినది. ఇంకను దాని న్వాతిశయమునేమని చెప్పను? తాను దినగా మిగిలిన యెంగిలి కూడును నా స్వామిచే దినిపించినది!
అర్జు.: మూడవ వ్యక్తి యెవరు?
బ్రాహ్మ.: అనిర్దయుడు ప్రహ్లాదుడు. ఏమి వాని క్రౌర్యము! జంకు, గొంకు లేకుండ నా స్వామిని బిలిచి సలసలగాగుచున్న నూనె కాగులో దింపినాడు; మదపుటేనుగుల పాదముల క్రింద ద్రొక్కించినాడు; వజ్రతుల్యమైన స్తంభమును బగులగొట్టుకొని వచ్చునట్లు చేసినాడు.
అర్జు.: నాలుగవవారెవరు?
బ్రాహ్మ.: ఉన్నాడొక నిర్భాగ్యుడు, అర్జునుడు.
అర్జు: ఏమి, ఆతడేమి పాపము చేసినాడు?
బ్రాహ్మ: చూడు, వానిదుండగము! నాజగన్నాథుని దీనికొనిపోయి కురుక్షేత్రయుద్ధమున నీచమైన తన సారథ్యమును వహింపజేసినాడు. ఇది మహాపరాధముకాదా?
అర్జునుడు ఆ పేదబాపని భక్తియెంత గాఢమైనదో గ్రహించి నిశే్చష్టుడైనాడు. ఆ క్షణమునుండి వానిగర్వమంతరించినది; తానే భగవద్భక్తులలో మేటిననుకొనుట మానివేసినాడు.
‘అంతయు రామేచ్ఛ’యని నమ్మిన సాలె
1096. ఒకానొక యూరిలో పుణ్యాత్ముడగు నొకసాలెయుండెను. వాని భక్తిని పవిత్ర హృదయమును జూచి యెల్లరును వానిని నమ్మి ప్రేమించెవారు.
- ఇంకాఉంది
Related Articles
పంచయజ్ఞాలను వివరించండి?
బ్రహ్మయజ్ఞం: ఒక ఋక్కునుగాని, యజస్సునుగాని, సామాన్నిగాని అభ్యాసం చేయడమే 3వేదాధ్యయనం2. దీనే్న బ్రహ్మయజ్ఞం అంటారు. స్వాధ్యాయం కూడా బ్రహ్మయజ్ఞమే.
దేవయజ్ఞం: వివిధ దేవతల తృప్తికోసం చేసే యజ్ఞాల్లో హవిస్సు ను3స్వాహా2పూర్వకంగా సమర్పించే కార్యక్రమమే దేవయజ్ఞం.
‘‘కాలము నిల్వబోదు క్షణకాలము’ అనిన కవి వాక్కు అక్షరసత్యము. నిజమే. కాలం ఎవ్వరికోసం ఆగదు. మరలిరాదు. మనకు అందుబాటులో ఉండే అన్ని వనరులలోనూ కాలం చాలా విలువైనది. ‘టైమ్ అండ్ టైడ్ వెయిట్ ఫర్ నన్’ అని కదా లోకోక్తి. కాలము, అల ఎవరికోసం ఆగవు.
‘‘సమయమమూల్యమొక్క నిముసమ్మువృథాచనఁ గ్రమ్మరింపనే
సహజానందం
ప్రాపంచిక వైభోగాలు ఎన్నాళ్లుంటాయి? ఆలోచించండి. దేవుని యిచ్ఛ వల్లనే అవి కలుగుతాయి. ఆపైన అవి యిట్టే నశిస్తాయి. అందుకే లౌకికానందాల పట్ల వెంపర్లాట మానండి! పరమాత్మ అందరిలోనూ వున్నాడు. ఆయనను దర్శించే దృష్టిని సంపాదించుకోండి!
నీ పిలుపే మేలుకొలుపు
దేవ దేవుని ప్రతిహృదయంలో ప్రతిధ్వనిస్తూంది. అద్భుత భక్తి, ప్రేమ, వాత్సల్యం,. త్యాగ భావాలను రేకేత్తిస్తోంది. పూజ, అర్చన, భజనాదికాలుగా రూపొందుతోంది. మనసును దివ్య చింతనలో ఓలలాడించి అంతులేని ఆనంద ప్రవాహంలో ముంచెత్తుతుంది.
దానికి నీవు బదులు పలుకుతున్నావా ? లే.