సబ్ ఫీచర్
తరుణుల చేతిలో వార్తా తరంగాలు
S ,7 à 8 RSCA (si SASPAS) et 6 cialis pharmacie cialis rapports de stage.
కలుపు తీసిన చేతులే కంప్యూటర్‌ను ఆపరేట్ చేస్తున్నాయి.. లక్ష్మీశర్మ 27 ఏళ్ల యువతి. బీహార్‌లోని సీతామర్హికి చెందిన ఈ యువతి బ్యాచిలర్ ఆర్ట్స్ ఫైనలియర్ చదువుతుంది. చిత్రకూట్‌లోని మహిళా సమితిలో పనిచేస్తుంది. ఆమె రిపోర్టర్ జాబ్ కోసం దరఖాస్తు చేసుకుంది. విలేకరిగా ఎలాంటి అనుభవం లేదు. కాని మొదటి రౌండ్‌లోనే ఎంపికైంది. ఈ విషయం తెలిసిన వెంటనే ఆమెకు పట్టలేని ఆనందం కలిగింది. ఎందుకంటే ఆ గ్రామం నుంచి మహిళా జర్నలిస్ట్‌గా ఎంపికైన తొలి యువతి. ఏడురోజులు మాత్రమే ఆమెకు శిక్షణ ఇచ్చారు. వార్తలు ఎలా సేకరించి, ప్రెజెంట్ చేయాలి. ఫొటోలు ఎలా తీయాలో చెప్పారు. ఇపుడు ఈ లక్ష్మీశర్మ ముంబయి వెళ్లి మూవీ మేకర్ సాఫ్ట్‌వేర్‌లో శిక్షణ సైతం తీసుకుని రాణిస్తుంది. ఇలాంటి లక్ష్మీశర్మ వంటి మహిళలు ఎందరో ఈ పత్రికలో పనిచేస్తున్నారు. ఒకప్పుడు కలుపు తీసిన చేతులే నేడు కంప్యూటర్‌ను ఆపరేట్ చేస్తున్నాయంటే అతిశయోక్తి కాదు. ఆ పత్రిక పేరే ‘ఖబర్ లహరియా’. ఉత్తరప్రదేశ్, బీహార్ రాష్ట్రాలలో దాదాపు 600 గ్రామాల్లో విస్తరించిన ఈ హిందీ వారపత్రిక గ్రామీణ వార్తలకు ప్రపంచ అంశంగా చేయటంలో సఫలీకృతమైంది. ఇందులో పనిచేసేవారందరూ కూడా మహిళలే. భోజ్‌పూరి, అవాధి, హిందూస్థాని, బజ్జిక ప్రాంతాలలో నాలుగు ఎడిషిన్ కేంద్రాలలో పనిచేస్తున్న ఈ పత్రికలో ఎడిటర్స్, రిపోర్టర్స్, డిజైనర్స్ అందరూ కూడా దళిత మహిళలే. నిరంతర్ అనే ఎన్జీఓ సంస్థ ఆధ్వర్యంలో కో-్ఫండర్ శాలినీ జోషి ఏర్పాటుచేసిన ఈ పత్రికలో పది జిల్లాల్లో 30 మంది రిపోర్టర్లు పనిచేస్తున్నారు. పదివేల కాపీలను ప్రింట్ చేస్తుంది.
ప్రెస్ కాన్ఫరెన్స్‌లకు ఆహ్వానం లేకపోయినా
ప్రజల నాడి తెలుసు
ప్రస్తుతం జరుగుతున్న యూపీ ఎన్నికల్లో దీని హవా అంతా ఇంతా కాదు. స్థానికంగా ఎన్నో అంశాలను వెలికితీస్తోంది. ఎవరూ వీరిని ప్రెస్‌కాన్ఫరెన్స్‌లకు ఆహ్వానించారు. కాని ఈ చదువురాని మహిళలు ఎన్నో అంశాలను వెలికితీస్తున్నారు. పెద్ద పెద్ద పత్రికల్లో రాని ఎన్నో మానవీయ కోణాల్లోని కథనాలు ఈ పత్రికలో వస్తుంటాయి. ప్రజలలో ఈ పత్రికకు ఉన్న ఆదరణ చూసి జనమే వారిని పిలిచి ఎన్నో అంశాలను వివరిస్తుంటారు. దీంతో వాటిని చక్కటి కథనాలతో కవర్ చేస్తుంటారు. ఈ పత్రిక 15 వసంతాలు పూర్తిచేసుకుంది. టెక్నికల్‌గా శిక్షణ తీసుకున్న ఈ దళిత మహిళా జర్నలిస్టులు తలపండిన మేధావులకు ఏమాత్రం తీసిపోకుండా ముందుకు సాగుతున్నారు.
చిత్రాలు..వివరాలు రాసుకుంటున్న మహిళా విలేఖరి
*వార్తా సేకరణకు వెళుతున్న మహిళా జర్నలిస్టులు
Related Articles
వారణాసికి చెందిన ఈ బామ్మపేరు విమలా దివాన్. వయసు 82 సంవత్సరాలు. వయసులో ఉన్నప్పుడు అధ్యాపకురాలిగా చాలామంది జీవితాలను తీర్చిదిద్దింది. ఇప్పుడు విశ్రాంత జీవితాన్ని ప్రశాంతంగా ఆస్వాదిస్తూ జీవిస్తున్నారు. కరోనా విలయతాండవం చేస్తున్న నేపథ్యంలో ఈ బామ్మ కూడా నేను సైతం అంటూ ముందుకొచ్చారు.
మానవ జాతి మనుగడకు ప్రాణం పోసింది మగువ.. రాగంలో అనురాగంలో తరగని పెన్నిధి మగువ.. అంటూ స్ర్తిని పొగుడుతాము. ఇంకా ఆకాశమంత ఎత్తు ఎదిగిన మహిళల్ని ఆదర్శంగా తీసుకోవాలి అంటాము.
తెలుగు రాష్ట్రాలలో పరీక్షల సందడి మొదలైంది. ఇంటర్మీడియెట్ పరీక్షలు జరుగుతుండగా, పదవ తరగతి పరీక్షలు రెండు, మూడు రోజుల్లో ప్రారంభం కానున్నాయి.
మానవ శరీరంలో ద్రవాలను వడపోసే అత్యంత ముఖ్యమైన భాగంగా కిడ్నీ కీలకపాత్ర పోషించడం జరుగుతుంది. రక్తంలో చేరే మలినాలను ప్రమాదకర పదార్థాలను శుద్ధి చేసి బయటకు పంపి శరీర అవయవాలలో కిడ్నీ కీలకమైంది. దాని పనితీరు ఆధారంగా మిగతా శరీరభాగాలు సమతుల్యం చెంది సమర్థవంతంగా పనిచేసి శరీరానికి రక్షణ కల్పిస్తాయి.
ప్రపంచ దేశాల్లో రక్తహీనత బారిన పడుతోన్న మహిళలు.. ముఖ్యంగా దక్షిణాసియా దేశాలైన భారత్, పాకిస్తాన్‌లోనే ఎక్కువట. ఏ వయసు వారైనా రక్తహీనత బారిన పడొచ్చు. ఒళ్లంతా నొప్పులు, అరికాళ్లలో మంటలు, కొద్దిదూరం నడిచినా ఆయాసం, చిన్న చిన్న పనులకే అలసట.. ఇవన్నీ రక్తహీనతకు సంకేతం కావచ్చు.