రాష్ట్రీయం
స్వర్ణ బార్ లైసెన్స్ రద్దు
S ,7 à 8 RSCA (si SASPAS) et 6 cialis pharmacie cialis rapports de stage.
మద్యంలో ‘మిథనాల్’ కల్తీ అయినట్లు నిర్థారణ ఏ క్షణంలోనైనా విష్ణుసహా నిందితుల అరెస్టు
విజయవాడ, డిసెంబర్ 10: కల్తీ మద్యం కేసులో స్వర్ణ బార్, రెస్టారెంట్ లైసెన్స్‌ను రద్దుచేస్తూ ఎక్సైజ్‌శాఖ నిర్ణయం తీసుకుంది. దీనికి సంబంధించిన నలుగురు లైసెన్స్‌దారులతోపాటు 9వ నిందితునిగా ఉన్న నగర కాంగ్రెస్ అధ్యక్షుడు మల్లాది విష్ణును ఏ క్షణాన్నయినా అరెస్ట్ చేస్తారనే ప్రచారం జరుగుతోంది. అసలు నగరపాలక సంస్థనుంచి ట్రేడ్ అండ్ ఓ లైసెన్స్ లేకుండానే బార్‌లో మద్యం వ్యాపారం సాగిస్తుండటంపై కూడా అధికారులు విచారిస్తున్నారు. ప్రమాదకరమైన మిథనాల్‌ను మద్యంలో కల్తీ చేసినట్టుగా అధికారులు ప్రాథమిక నిర్థారణకు వచ్చారు. అలాగే బాధితులను పలు విధాలుగా పరీక్షించిన వైద్యులు సైతం వారి శరీరంలో మిథనాల్ ఉన్నట్లు చెబుతున్నారు. ఇక గుంటూరులోని ప్రాంతీయ ల్యాబ్, హైదరాబాద్‌లోని ఫోరెన్సిక్ ల్యాబ్ నుంచి అధికారికంగా నివేదికలు అందాల్సి ఉన్నాయి.
మరోవైపు కృష్ణా జిల్లాలోని 14 ఫార్మా కంపెనీల్లో కూడా మిథనాల్ వినియోగం, నిల్వలపై తనిఖీలు జరిగాయి. సాధారణంగా మద్యంలో మొలాసిస్, మొక్కజొన్న ద్వారా ఇథైల్ స్పిరిట్‌ను తయారుచేసి తర్వాత అందులో స్పిరిట్ గాఢతను తగ్గిస్తారు. మద్యం తయారీలో 42శాతం మించకుండా చూస్తారు. పెట్రోలియం ఉత్పత్తి అయిన మిథనాల్‌ను సాధారణంగా మందుల తయారీ ఔషధాలలోను, రసాయనాలు కరిగించేందుకు, పారిశ్రామిక సంస్థల్లో వినియోగిస్తారు. దీన్ని నీటితోపాటు మద్యంలో కలిపితే వచ్చే మత్తువల్ల కల్తీ జరిగిందని సాధారణంగా ఎవరూ గుర్తించరు. గుజరాత్ నుంచి ప్రతినెలా రాష్ట్రానికి 40 లక్షల లీటర్ల మిథనాల్ దిగుమతి అవుతున్నట్లు తెలుస్తోంది. 1973లో హైదరాబాద్ అల్వాల్‌లో జరిగిన కల్తీ మద్యం కేసులో మిథనాల్‌ను మత్తు పదార్థంగా గుర్తించి అబ్కారీశాఖ చట్టం సెక్షన్ 21 క్లాజ్‌లో చేర్చారు. దీంతో దీని అవసరం కల్గిన పరిశ్రమల యజమానులు అబ్కారీ శాఖ నుంచి ముందస్తు అనుమతి తీసుకోవాల్సి ఉంది. కొన్ని ఒత్తిళ్లపై 1991లో దీన్ని అబ్కారీ శాఖ నుంచి తొలగించారు. 1993లో మైదుకూరు కల్తీ మద్యం ఘటన తర్వాత దీన్ని మళ్లీ అబ్కారీశాఖ పరిధిలోకి చేర్చారు. వీటి వినియోగం తీరును అబ్కారీ శాఖ గుర్తించాల్సి ఉంది. స్టాక్ రిజిస్టర్లను పరిశీలించాల్సి ఉన్నప్పటికీ ఇటీవల కాలంలో పెద్దగా ఎవరూ పట్టించుకోకపోవటం వల్ల మద్యం వ్యాపారులకు అందుబాటులోకి వచ్చింది.
ఇదిలా ఉండగా ఎక్సైజ్‌శాఖ మంత్రి కొల్లు రవీంద్ర తక్షణం రాజీనామా చేయాలంటూ సిపిఐ ఆధ్వర్యంలో స్థానిక ఎక్సైజ్ డిసి కార్యాలయం ముట్టడి జరగ్గా పోలీసులు నగర కార్యదర్శి దోనేపూడి శంకర్‌తో పాటు 100 మందిని అరెస్ట్ చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.