జాతీయ వార్తలు
థరూర్‌ను మరోసారి ప్రశ్నించిన సిట్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఫిబ్రవరి 14: దేశవ్యాప్తంగా సంచలనం సృష్టించిన సునందా పుష్కర్ మృతికి సంబంధించి ఈ కేసును దర్యాప్తు చేస్తున్న ప్రత్యేక దర్యాప్తు బృందం (సిట్) ఆమె భర్త, కాంగ్రెస్ ఎంపి శశిథరూర్‌ను మరోసారి ప్రశ్నించిందని, అవసరమైతే ఆయనను మరోసారి కూడా పిలిపిస్తామని ఢిల్లీ పోలీసు కమిషనర్ బిఎస్ బస్సీ చెప్పారు. కాగా, కేసు దర్యాప్తు సరయిన దిశలోనే సాగుతోందని, వీలయినంత త్వరలో ముగింపు దశకు తీసుకెళ్తామని తాము అనుకుంటున్నట్లు ఆయన విలేఖరులు అడిగిన ఒక ప్రశ్నకు సమాధానంగా చెప్పారు. ఢిల్లీలోని వసంత్ విహార్ పోలీసు స్టేషన్ ఆవరణలోని యాంటీ ఆటో థెఫ్ట్ స్క్వాడ్ కార్యాలయంలో థరూర్‌ను సిట్ బృందం శనివారం దాదాపు అయిదు గంటల పాటు ప్రశ్నించినట్లు పోలీసు వర్గాలు తెలియజేశాయి. ఏడాది క్రితం థరూర్‌ను సిట్ బృందం మూడుసార్లు ప్రశ్నించింది కూడా. శశిథరూర్‌నుంచి కొన్ని వివరణలు కావలసి ఉండిందని, ఆ వివరణలు తీసుకోవడం జరిగిందని బస్సీ చెప్పారు. మరిన్ని వివరణలు అవసరమని సిట్ భావిస్తే థరూర్‌ను మరోసారి కూడా పిలిపించవచ్చని కూడా ఆయన చెప్పారు. వీలయినంత త్వరగా ఈ కేసును ముగింపునకు తీసుకెళ్లాలని పోలీసులు భావిస్తున్నారని కూడా ఆయన చెప్పారు.
సునంద కడుపులోని పదార్థాల శాంపిల్స్‌ను, ఇతర కీలక సాక్ష్యాధారాలను విశే్లషణకోసం పోలీసులు వాటిని అమెరికాలోని ఎఫ్‌బిఐ లేబరేటరీకి పంపించిన విషయం తెలిసిందే. వీటిపై ఎఫ్‌బిఐ పంపిన నివేదికపై ఎయిమ్స్ మెడికల్ బోర్డు అభిప్రాయాన్ని కోరిన నేపథ్యంలో థరూర్‌ను సిట్ ప్రశ్నించినట్లు తెలుస్తోంది. సునంద కడుపులో కనిపించిన అల్‌ప్రాక్స్, అలాగే ఆమె మృతికి దారితీసిన విషప్రయోగానికి కారణమైన లోడికైన్ మందులు ఎక్కడినుంచి వచ్చాయనే దానికి సంబంధించి ప్రధానంగా సిట్ బృందం థరూర్‌ను ప్రశ్నించినట్లు తెలుస్తోంది. సునంద మృతివెనుక ఎలాంటి కుట్రా లేదని థరూర్ ఇప్పటివరకు వాదిస్తున్నారు. 2014 జనవరి 17న దక్షిణ ఢిల్లీలోని ఓ ఫైవ్‌స్టార్ హోటల్ గదిలో సునందా పుష్కర్ చనిపోయి కనిపించిన విషయం తెలిసిందే. ఇది జరిగిన ఏడాది తర్వాత ఆమెది ‘అసహజ మరణం’గా పరిగణించిన ఢిల్లీ పోలీసులు ఏడాది తర్వాత హత్య కేసు నమోదు చేశారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.