తెలంగాణ
ఇవిఎంల టాంపరింగ్‌పై న్యాయ పోరాటం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: గ్రేటర్ హైదరాబాద్ మున్సిపల్ కార్పోరేషన్ ఎన్నికల్లో ఎలక్ట్రానిక్ ఓటింగ్ మిషన్ల (ఇవిఎం)ను తెలంగాణ రాష్ట్ర సమితి టాంపరింగ్ చేయడంపై తాము న్యాయ పోరాటం చేస్తామని కాంగ్రెస్ సీనియర్ నాయకుడు, మాజీ ఎమ్మెల్యే మర్రి శశిధర్ రెడ్డి తెలిపారు. ఇవిఎంల టాంపరింగ్‌పై తాము పోలింగ్ జరిగిన రోజే రాష్ట్ర ఎన్నికల అధికారి నాగిరెడ్డిని కలిసి విజ్ఞప్తి చేసినా పట్టించుకోలేదని శశిధర్ రెడ్డి శనివారం పార్టీ ముఖ్య అధికార ప్రతినిధి దాసోజు శ్రవణ్‌కుమార్, సీనియర్ అడ్వకేట్ జంధ్యాల రవిశంకర్‌తో కలిసి విలేఖరుల సమావేశంలో మాట్లాడుతూ విమర్శించారు. మేయర్, డిప్యూటీ మేయర్ ఎన్నికలు జరపరాదని తాము కోరామని శశిధర్‌రెడ్డి చెప్పారు. సోమాజిగూడలో ఇండిపెండెంట్ అభ్యర్థి రాధిక తన ఓటు హక్కు వినియోగించుకోగా ఓటు రికార్డు కాలేదని ఆయన తెలిపారు. అడ్డగుట్టలో 556 ఓట్లు ఉండగా, అందులో టిఆర్‌ఎస్‌కు 232 పోలయ్యాయని ఆయన చెప్పారు. ఇటువంటి విషయాలన్నీ తాము ఎన్నికల అధికారి దృష్టికి తీసుకెళ్ళగా, ఒక్కోసారి కాలిక్యులేటర్ కూడా లెక్క తప్పు చూపిస్తుందని చెప్పడం బాధాకరమని అన్నారు. ఇవిఎంల టాంపరింగ్‌కు అవకాశం ఉందని 2010 సంవత్సరంలో కెసిఆరే అన్నారని శశిధర్ రెడ్డి గుర్తు చేశారు. కాబట్టే కెసిఆర్ తనయుడు రాష్ట్ర మంత్రి కెటిఆర్ ముందు నుంచే టిఆర్‌ఎస్‌కు వంద సీట్లు వస్తాయని చెప్పారని ఆయన తెలిపారు. బ్యాలెట్‌లో ‘నోటా’ లేకపోవడాన్ని కూడా తాము ఎన్నికల అధికారి దృష్టికి తీసుకుని రాగా దీనిపై తాను రాష్ట్ర ప్రభుత్వానికి లేఖ రాసినట్లు సమాధానమిచ్చారని ఆయన చెప్పారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.