తెలంగాణ
గొంతు కేన్సర్‌పై అవగాహన సదస్సులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 8: సమాజంలో గొంతు కేన్సర్‌పై అనేక అనుమానాలున్నాయని, వాటిని నివృత్తి చేయడానికి ‘అపోలో’చేస్తున్న ప్రయత్నాలు సఫలీకృతం అవుతున్నాయని డాక్టర్ దిలీప్ మాథాయ్ అన్నారు. గొంతు కేన్సర్‌పై రెండు రోజులుగా అంతర్జాతీయ స్థాయిలో సదస్సులు ఏర్పాటు చేయడాన్ని ఆయన అభినంధించారు. లారిన్‌జెక్టోమీ సొసైటీ ఆధ్వర్యంలో గొంతు కేన్సర్‌పై జరుగుతున్న సదస్సులకు ఆదరణ లభించిందని అన్నారు. వ్యాధికి ఆపరేషన్ చేయించుకుని, స్వరపేటికను తొలగించుకుని విజయవంతంగా బయటపడ్డ బాధితులు సంతోషంగా ఉన్నారని ఆయన గుర్తుచేశారు. అపోలో కేన్సర్ హాస్పిటల్ వ్యవస్థాపకుడు డాక్టర్ ఉమానాథ్ నాయక్ మాట్లాడుతూ వివిధ సంస్థలు ముందుకొచ్చి రోగులకు ఆర్థిక సహాయం చేయడం గొప్ప విషయమన్నారు. అలాగే మాతా శిశు సంరక్షణపై జరిగే అంతర్జాతీయ సదస్సుకు హైదరాబాద్‌లో అపోలో యాజమాన్యం ఆతిథ్యం ఇచ్చింది. ఆసుపత్రి గ్రూప్ చైర్మన్ డాక్టర్ ప్రతాపరెడ్డి సదస్సును లాంఛనంగా ప్రారంభించారు. ప్రసవాలు, స్ర్తి సంబంధిత వైద్యం, సంతానోత్పత్తి, చిన్నారులు, నవజాతి శిశువుల వైద్యానికి సంబంధించిన అంశాలపై నేషనల్ క్రెడిట్ కాన్ఫరెన్స్ సదస్సులు ఏర్పాటు చేశామన్నారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.