తెలంగాణ
కాంగ్రెస్‌లో సీఎల్పీ చిచ్చు..!
S ,7 à 8 RSCA (si SASPAS) et 6 cialis pharmacie cialis rapports de stage.
నల్లగొండ, జనవరి 17: ఉమ్మడి నల్లగొండ జిల్లా కాంగ్రెస్‌లో వర్గపోరు మరోసారి భగ్గుమంది. ఇటీవలి అసెంబ్లీ ఎన్నికల సందర్భంగా పైకి ఐక్యతగా కనిపించిన జిల్లా కాంగ్రెస్ సీనియర్లు ఎన్నికల్లో పార్టీ ఘోర ఓటమి పిదప పరస్పరం విమర్శల పర్వం తిరిగి ప్రారంభించారు. పీసీసీ చీఫ్ ఎన్. ఉత్తమ్‌కుమార్‌రెడ్డి నాయకత్వాన్ని వ్యతిరేకిస్తున్న ఎమ్మెల్యేలు కోమటిరెడ్డి రాజగోపాల్‌రెడ్డి, చిరుమర్తి లింగయ్యలు సీఎల్పీ నేత ఎన్నిక భేటీలో మరోసారి ఉత్తమ్ పట్ల తమ వ్యతిరేకతను వెళ్లగక్కారు. సీఎల్పీ నేతగా ఉత్తమ్‌కుమార్‌రెడ్డి సహా పాత బ్యాచ్‌లో ఎవరు వద్దంటూ, పార్టీ పదవుల్లో, సీఎల్పీ పదవుల్లో కొత్త వారికే అవకాశమిస్తేనే పార్లమెంట్ ఎన్నికల్లో కనీసం పది సీట్లైనా గెలుస్తామంటు చిరుమర్తి బాహాటంగా తన అభిప్రాయాలు వినిపించారు. కోమటిరెడ్డి రాజగోపాల్‌రెడ్డి తనకు ఈ దఫా సీఎల్పీనేతగా అవకాశమివ్వాలంటూ కోరారు. ఈ పదవీ కోసం సీనియర్ ఎమ్మెల్యేలు ఉత్తమ్, భట్టీ విక్రమార్క, సుధీర్‌రెడ్డి, సబితాఇంద్రారెడ్డి, డి.శ్రీ్ధర్‌బాబు, టి.జగ్గారెడ్డిలు రేసులో నిలిచారు. తొలిసారిగా ఎమ్మెల్యేగా ఎన్నికైన రాజగోపాల్‌రెడ్డి సీఎల్పీ పదవి కోసం గట్టి పట్టు పడుతు పార్టీలోని పలువురు ఎమ్మెల్యేల మద్దతు సైతం కూడగట్టారు. చివరకు రాష్ట్ర కాంగ్రెస్ వ్యవహారాల ఇన్‌చార్జి కుంతియా, సీఎల్పీ ఎన్నిక పరిశీలకులు వేణుగోపాల్‌ల పర్యవేక్షణలో సాగిన సీఎల్పీ సమావేశం వాడివేడిగా సాగింది. దీంతో ఈ సమావేశంలో సీఎల్పీ నేత ఎన్నిక ప్రక్రియ తేల్చకుండానే పార్టీ అధిష్టానానికే సీఎల్పీనేత ఎంపిక బాధ్యత అప్పగించడంతో అధిష్టానం సీఎల్పీనేతగా ఎవరిని ఎంపిక చేస్తుందన్నది ఆసక్తికరంగా మారింది. మొత్తం మీద సీఎల్పీ ఎన్నిక సందర్భంగా మరోసారి ఉమ్మడి నల్లగొండ జిల్లా కాంగ్రెస్‌లో వర్గపోరు రచ్చకెక్కడంతో ఈ పరిణామాలు స్థానిక సంస్థలు, పార్లమెంట్ ఎన్నికల తరుణంలో పార్టీకి ఎలాంటి వ్యతిరేక ఫలితాలు అందిస్తుందోనన్న ఆందోళన కాంగ్రెస్ శ్రేణుల్లో వ్యకమవుతుంది.
చిత్రాలు.. చిరుమర్తి..కోమటిరెడ్డి..ఉత్తమ్‌కుమార్ రెడ్డి
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.