తెలంగాణ
హైదరాబాద్‌లో అత్యాధునిక బస్టాండ్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 16: హైదరాబాద్‌లో బస్సు ప్రయాణీకుల కోసం అత్యాధునిక సౌకర్యాలతో బస్టాండ్‌ను నిర్మించడానికి ఆర్టీసీ అధికారులు సన్నాహాలు చేస్తున్నారు. వినూత్న తరహాలో బస్సు ప్రయాణీకులను ఆకర్షించడానికి భారీ వ్యయంతో అత్యాధునిక హంగులతో బస్టాండ్‌లను తీర్చిదిద్దాలని ఆర్టీసీ అధికారులు సన్నద్ధమవుతున్నారు. తెలంగాణలో ఆర్టీసీ సంస్థను లాభాల్లో నడపడానికి అవసరమైన చర్యలు చేపట్టడానికి అన్ని మార్గాలను అనే్వషిస్తున్నారు. దేశంలో ఉన్న ముఖ్యమైన ప్రధాన పట్టణాల్లో బస్టాండ్‌ల స్థితిగతులను అధ్యయనం చేయడానికి ముగ్గురు సభ్యులతో కూడిన బృందాన్ని ప్రభుత్వం పంపించింది. శనివారం బస్సు భవనంలో ఆర్టీసీ ఎండీ సునీల్‌శర్మకు అధ్యయన నివేదికను అందచేశారు. ఈ అధ్యయన బృందంలో ఈడీలు పురుషోత్తం, రాజేంద్రప్రసాద్, సీతారాంబాబు ఉన్నారు. బస్టాండ్‌ల నిర్మాణానికి ప్రభుత్వ, ప్రైవేట్ భాగస్వామ్యంతో నిధులను సమీకరిస్తారు. ఉత్తరప్రదేశ్‌లోని లక్నోలో ఆరున్నర ఎకరాల్లో రూ. 230 కోట్ల రూపాయలతో అత్యంత హంగులతో బస్టాండ్‌ను నిర్మించారు. ఈ బస్టాండ్ నిర్మాణాన్ని శాలిమార్ నిర్మాణ సంస్థ పనులు చేపట్టింది. ఈ బస్టాండ్ నిర్వహణ బాధ్యత దాదాపు 33 ఏళ్ళ పాటు లీజుకు తీసుకుంది. ఈ బస్టాండ్ ఆవరణలో పార్కింగ్ స్థలం, బస్‌బేలు, షాపింగ్ కాంప్లెక్స్‌లు, సినిమా థియేటర్లు, ఆహ్లదకరంగా విశ్రాంతి గదులు, సంస్థాగత కార్యాలయాలను ఏర్పాటు చేశారు. ఈ బస్టాండ్‌లో ఒకేసారి 100 బస్సులు పార్కింగ్ చేసేందుకు అవకాశం ఉంది. విమానాశ్రయాల తరహాలో సెక్యూరిటీ విధానాన్ని అమలు చేస్తారు. ఈ బస్టాండ్‌ను మూడు అంతస్థులతో నిర్మించారు. గ్రౌండ్ ఫ్లోరులో మ్తొతం 49 ప్లాట్ ఫాంలను ఏర్పాటు చేశారు. ఏఏ బస్సులు ఎక్కడికి వస్తాయన్న విషయాలను డిజిటల్ డిస్‌ప్లే బోర్డులను ఏర్పాటు చేశారు. తొలి విడతలో హైదరాబాద్ జూబ్లీ, గౌలిగూడ, ముషీరాబాద్‌లోని ఖాళీ స్థలంతో పాటు యాదాద్రిలో నూతన బస్టాండ్‌ల కోసం ఎంపిక చేయనున్నారు. కాగా తెలంగాణ జిల్లాల్లో పల్లె వెలుగు, సిటీ బస్సుల్లో కిడ్నీ బాధితులకు ఉచితంగా బస్సు సౌకర్యం ఏర్పాటు చేస్తున్నామని ఆర్టీసీ ఎండీ సునీల్‌శర్మ ప్రకటించారు. ఆరోగ్యశ్రీ ద్వారా డయాలసిస్ చేయించుకుంటున్న కిడ్నీ బాధితులు దాదాపు 7600 మంది ఉన్నారని అధికారులు గుర్తు చేశారు. ఆర్టీసీ నిర్ణయాన్ని కిడ్నీ బాధితులు స్వాగతించారు.
చిత్రం.. దేశంలోని వివిధ ప్రధాన నగరాల్లో నిర్మించిన ఆధునిక బస్టాండ్‌లపై
అధ్యయన నివేదికను ఆర్టీసీ ఎండీకి అందజేస్తున్న బృందం సభ్యులు
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.