తెలంగాణ
ఏఈ సంతోష్ కుటుంబాన్ని ఆదుకుంటాం
S ,7 à 8 RSCA (si SASPAS) et 6 cialis pharmacie cialis rapports de stage.
ఖైరతాబాద్, మార్చి 18: అనారోగ్యంతో మృతి చెందిన ఏఈ నాగోలు సంతోష్ కుటుంబాన్ని ఆదుకుంటామని విద్యుత్ సంస్థల సీఎండీ ప్రభాకర్ రావు హామీ ఇచ్చారు. సోమవారం విద్యుత్ ప్రధాన కార్యాలయం విద్యుత్ సౌధలో తెలంగాణ ఎలక్ట్రిసిటీ అసిస్టెంట్ ఇంజనీర్స్ అసోసియేషన్ ఆధ్వర్యంలో సంతోష్ కుటుంబానికి ఆర్ధిక సహాయం అందించారు. ఈ కార్యక్రమానికి ముఖ్య అతిధిగా హాజరైన ప్రభాకర్ రావు, టీఇఇఏ అధ్యక్షుడు శివాజీతో కలిసి సంతోష్ తల్లి కృష్ణవేణికి రూ.5లక్షల 20వేల చెక్కును అందజేశారు. ఈ సందర్భంగా ఆయన మాట్లాడుతూ 2018లో నియామకం అయిన యువ ఇంజనీరు మృతి చెందడం అటు కుటుంబానికి, ఇటు సంస్థకు తీరని లోటని అన్నారు. తోటి ఉద్యోగులుగా అసిస్టెంట్ ఇంజనీర్స్ అసోసియేషన్ ఆర్థిక సహాయం అందించడం అభినందనీయమని అన్నారు. సంస్థ తరఫున ఆ కుటుంబానికి చెందిన వ్యక్తికి అర్హతను బట్టి ఉద్యోగం కల్పిస్తామని హామీ ఇచ్చారు. ఈ కార్యక్రమంలో అసోసియేషన్ అధ్యక్షుడు వినద్‌కుమార్, రవికుమార్, అనిల్, అఖిల్, మోనిక, వినయ్, నరేష్ పాల్గొన్నారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.