తెలంగాణ
దేవేందర్ గౌడ్‌తో రేవంత్ భేటీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 23: మల్కాజిగిరి లోక్‌సభ నియోజకవర్గం నుంచి కాంగ్రెస్ అభ్యర్థిగా పోటీ చేస్తున్న తనకు మద్దతునివ్వాల్సిందిగా టీ.పీసీసీ వర్కింగ్ ప్రెసిడెంట్ ఎ. రేవంత్ రెడ్డి టీడీపీ సీనియర్ నాయకుడు, మాజీ హోం మంత్రి టీ. దేవేందర్ గౌడ్‌ను కోరారు. శనివారం రేవంత్ రెడ్డి దేవేందర్ గౌడ్ నివాసానికి వెళ్ళి మద్దతు కోరారు. ఈ సందర్భంగా ఇరువురూ కొంత సేపు తాజా రాజకీయ పరిస్థితులపై చర్చించారు. అనంతరం రేవంత్ రెడ్డి మీడియాతో మాట్లాడుతూ దేవేందర్ గౌడ్ తన విజ్ఞప్తికి సానుకూలంగా స్పందించారని చెప్పారు. దేవేందర్ గౌడ్‌కు ఈ నియోజకవర్గంలో పట్టు ఉందన్నారు. మల్కాజిగిరి లోక్‌సభ నియోజకవర్గం నుంచి విజయం సాధించేందుకు తాను దేవేందర్ గౌడ్ వంటి పెద్దల ఆశీస్సులు తీసుకుంటున్నానని చెప్పారు. ఇటీవల తాను టీజేఎస్ అధ్యక్షుడు ప్రొఫెసర్ ఎం.కోదండరామ్, ప్రజా గాయకుడు గద్దర్ తదితరులను కలుసుకుని మద్దతు పొందానని ఆయన తెలిపారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.